2009 წელს აშშ-ის მაშინდელი პრეზიდენტი და პირველი ლედი, ბარაკ და მიშელ ობამები ლონდონში დედოფალს ესტუმრნენ. სოციალურ ქსელში გავრცელებულმა ფოტომ კი ყველა აალაპარაკა, რომ მიშელმა პროტოკოლი დაარღვია - ამერიკის პირველმა ლედიმ მიშელ ობამამ დედოფალს წელზე მოეხვია. დედოფალმა , მის ხელის მოხვევას ხელის მოხვევითვე უპასუხა და მასთან უფრო ახლოს მიიწია. მაშინ ვერავინ მიხვდა, რატომ მოიქცა დედოფალი ასე.

ახლა კი , მიშელ ობამამ თავისი მემუარები გამოაქვეყნა, რომელშიც აღნიშნულ ფაქტზეც წერს. მისი თქმით, ორივე მაღალქუსლიანმა ფეხსაცმელმა შეაწუხა და ერთმანეთს დაეხმარნენ.

„დაღლილი სახით ვიდექი, როგორც ჩანს ეს შენიშნა და მკითხა. ეს ფეხსაცმელი არც ისე კომფორტულია არა? გამოვუტყდი, რომ ფეხები ძალიან მტკიოდა და მანაც იგივე მითხრა. ჩვენ უბრალოდ ჩვენივე ფეხსაცმლისგანდაღლილი ქალები ვიყავით, რომლებიც ერთმანეთს ერთნაირი გამომეტყველებით ვუყურებდით და ველოდებოდით როდის დაასრულებდნენ ქვეყნების ლიდერები ბოლოს და ბოლოს “ - წერს მიშელ ობამა.

ელისაბედ მეორეს ობამები პირველად 2009 წელს შეხვდნენ, როდესაც ბარაკ ობამა ოფიციალური ვიზიტით ლონდონში „დიდი ოცეულის“ სამიტზე ჩავიდა. ობამები დედოფალს 2011 და 2016 წლებშიც ესტუმრნენ.