ჩენინგ ტატუმმა დაადასტურა, რომ ჯესი ჯეის ხვდება (ფოტო)

ეს საინტერესოა - 15:44, 14 Nov, 2018

3315

ჰოლივუდის ვარსკვლავმა ჩენინგ ტატუმმა ინსტაგრამ პოსტით დაადასტურა, რომ მომღერალ ჯესი ჯეის ხვდება.

ტატუმმა, ჯესი ჯეის კონცერტის ფოტო გამოაქვეყნა.

„ამ ქალმა სცენაზე გამოსვლისას მთელი თავისი გული ჩადო, ყველ ვინც იქ იყო, რაღაც განსაკუთრებული მოწმე გახდა“ - წერს ტატუმი.

გავრცელებული ცნობით, აღნიშნულ კონცერტზე ტატუმმა ჯესი ჯეი დედას გააცნო.

ჩანინგ ტატუმისა და ჯესი ჯეის რომანის შესახებ ინფორმაცია ერთი თვის წინ გავრცელდა, თუმცა ამის შესახებ კომენტარი არცერთს გაუკეთებია.

ჰოლივუდის მსახიობები ჩენინგ ტატუმი და ჯენა დევან ტატუმი 9-წლიანი ქორწინების შემდეგ ერთმანეთს 2018 წლის მაისში დაშორდნენ .

წყვილმა ოფიციალური განცხადება სოციალური ქსელის საშუალებით გავრცელა.

„გვინდა რაღაც გაგიზიაროთ. ჩვენ განქორწინება გადავწყვიტეთ. ერთმანეთი დიდ ხანს გვიყვარდა და ერთად ჯადოსნური მოგზაურობა მოვუწყვეთ, არაფერი შეცვლილა. ერთმანეთი ისევ გვიყვარს, თუმცა ამ სიყვარულს უკვე სხვადასხვა გზებით მივყავართ. გადაწყვეტილების მოტივი არც საიდუმლო და არც უსიამოვნო მოვლენაა. უბრალოდ ორი მეგობარი მივხვდით, რომ დადგა დრო ერთმანეთს ბედნიერების ძებნაში დავეხმაროთ. ჩვენ მოსიყვარულე მშობლებად დავრჩებით“ -ნათქვამი წყვილის ერთობლივ განცხადებაში.

მსახიობებმა ერთმანეთი ფილმ “Step Up”-ის გადაღებებზე გაიცნეს 2006 წელს.

2009 წელს კი დაქორწინდნენ. მათ ერთი ქალიშვილი, 4 წლის ევერლი ჰყავთ. სოციალურ ქსელებში მათი ურთიერთობა ყოველთვის სახალისო იყო მათი ფანებისთვის.