მრავალი წლის მანძილზე ე.წ. "ლეონიდები" არის საუკეთესო მეტერების ნაკადი, რომელზეც დაკვირვება ასტრონომიის მოყვარულებს შეუძლიათ. ყოველი წლის ნოემბერში მეცნიერები და მოყვარულები თვალყურს ადევნებენ ნაკადს, რომელიც ყოველ საათში 10-15 მეტეორს აღწევს.

2018 წელს "ლეონიდების" მეტეორების წვიმა მაქსიმუმს 17-18 ნოემბრის ღამეს მიაღწევს, თუმცა დაკვირვებას ხელს მთვარე შეუშლის, რის გამოც მეტეორთა ნაწილს ჩვეულებრივი მოწყობილობით ვერ დაინახავთ.

მეტეორის ნაწილაკები სავარაუდოდ ლომის (LEO) თანავარსკვლავედიდან მოემართებიან. ნაკადის წყარო სავარაუდოდ კომეტა Comet Tempel-Tuttle-ია, რომელიც იშლება, რადგან იგი პერიოდულად მზისგან ახლოს გადის და მისი ყინულები დნება.