ზუგდიდის ყოფილი მერი ლაშა გოგია დღეს დააკავეს. ე.წ. მოდულის შენობაში დაკავებულთან მისი უფლებადამცველი იყო შესული. შენობიდან გამოსვლის შემდეგ, ადვოკატმა განაცხადა, რომ გოგია თავს დამნაშავედ არ სცნობს:

„ჩემი დაცვის ქვეშ მყოფს ამ ეტაპზე რისი თქმაც შემიძლია არის ის, რომ თავს დამნაშავედ არ ცნობს. მას წარმოდგენა არ აქვს, რა ბრალდებას ედავებიან და რა საქმეზეა საუბარი. არანაირი უკანონო ქმედება მას არ ჩაუდენია, შესაბამისად, პოზიციას აფიქსირებს, რომ თავს დამნაშავედ არ ცნობს“,- განაცხადა მერაბ მუმლაძემ.