ზაზა სარალიძისა და მალხაზ მაჩალიკაშვილის ადმინისტრაციული საჩივრის განხილვა თბილისის საქალაქო სასამართლოში გადაიდო. პროცესის გადადების შუამდგომლობა შინაგან საქმეთა სამინისტრომ დააყენა, რადგან მათი განცხადებით, შესაბამისი დოკუმენტაციის მომზადება ვერ მოესწრო.

მანამდე, ზაზა სარალიძემ მოსამართლეს მიმართა და იმედი გამოთქვა, რომ კარვის გაშლის უფლება მიეცემა.

„4-დან 7 წლამდე პატიმრობა მემუქრება. წყობიდან გამოვყავარ საპატრულო პოლიციის თანამშრომლებს. მოსამართლევ, იმედია, მოგვცემთ კარვების გაშლის საშუალებას, რადგან კარვების გარეშე ავად ვხდებით და საავადმყოფოდან საავადმყოფოში გვიწევს გადასვლა. მაქვს კარვის გაშლის უფლება და რატომ მიკრძალავენ“, – აღნიშნა სარალიძემ.