პრესაში გავრცელებული ცნობებით, ინგლისის ჩემპიონატის უმაღლესი დივიზიონის 20 კლუბის წარმომადგენელთა შორის, მოლაპარაკება ფინანსური fair play-ს ახალი ვერსიის შესახებ უკვე დაწყებულია. სავარაუდოდ, ახალი შეთანხმების პირველი ვარიანტი გამოჩნდება ლონდონში 15 ნოემბერს გუნდების ხელმძღვანელთა შეხვედრის შემდეგ. ფიქრობენ,რომ შემოიღებენ ახალ წესებს სახელფასო ფონდის ყოველწლიური 5 პროცენტზე ზემოთ ზრდის აკრძალვას. 2010/11 წლის სეზონზე ინგლისურმა კლუბებმა ფეხბურთელების ხელფასზე გასცეს 1,87 მილიარდი ევრო, რამაც მათი შემოსავლების 69 პროცენტი შეადგინა. ამავე პერიოდში კოლექტივების ვალებმა თითქმის 3 მილიარდს მიაღწია. პრემიერლიგის კლუბთა საერთო ზარალმა 2010/11 წლებში 449 მილონ ევროზე მეტი შეადგინა, „წითელ“ ზონაში მოხვდნენ „მანჩესტერ სიტი“ (-245 მლნ.), „ჩელსი“ (-85 მლნ) და „ლივერპული“ (-61 მლნ.).
20 წლის წინ ინგლისის ჩემპიონატში მოთამაშის საშუალო ხელფასი კვირაში 1755 ფუნტი (2 213 ევრო) იყო, ხოლო 2010 წელს 35 ათას ფუნტამდე (43,6 ევრო) ავარდა.
გამოსავლის თავისეული ვარიანტის წარდგენას აპირებს „ვესტ ჰემის“ თანამფლობელი დევიდ ჰოლდი: ჩამოაწერონ ქულები გუნდებს, რომელთა დავალიანებაც აღემატება ბრუნვის გარკვეულ წილს. გადაწყვეტილების მისაღებად, აუცილებელია 20-დან 14 კლუბის თანხმობა.

Evrosport.ru