"დადასტურდა, რომ „ბასიანსა“ და „გალერიში“ სპეცოპერაციისას დაკავებული 3 პირი ნარკოტიკის ნაცვლად ციტრამონს და პარაცეტამოლს ჰყიდდა"- ადვოკატი

სამართალი - 12:14, 18 Oct, 2018

3525

დადასტურდა, რომ „ბასიანსა“ და „გალერიში“ სპეცოპერაციისას დაკავებული 3 პირი ნარკოტიკის ნაცვლად ციტრამონს და პარაცეტამოლს ჰყიდდა - ეს სკანდალური ინფორმაცია სპეცოპერაციის შედეგად დაკავებული 22 წლის ქეთი მურუსიძეს, ადვოკატმა გაავრცელა.
"ამბები.ჯი"-სთან გია გოროზია ამბობს რომ, მისი დაცვის ქვეშ მყოფი ერთ-ერთია, რომლის შემთხვევაშიც დადასტურდა, რომ არა ნარკოტიკს, არამედ პარაცეტამოლს ჰყიდდა.

„ქეთი "კაზინო აჭარასთან" დააკავეს და ის ნარკოტიკების გასაღებას უარყოფს. არსებობს მტკიცებულებები, რომ არ ყიდდა ნარკოტიკებს, ის ყიდდა პარაცეტამოლს და ამოღებულია პარაცეტამოლი. ეს არის თაღლითობა, რომელიც 4-დან 7 წლამდე თავისუფლების აღკვეთას ითვალისწინებს და მძიმე კატეგორიის დანაშაულია"- განმარტა გოროზიამ ambebi.ge-სთან საუბარში.

თავდაპირველად "ნიუპოსტი" ერთ-ერთი ბრალდებულის ვიქტორ ჟამუტაშვილის ადვოკატს, ხათუნა ხურცილავას დაუკავშირდა, რომელმაც დაადასტურა, რომ მისი ინფორმაციით, ამოღებუილია, რაღაც პრეპარატი რაც ნარკოტიკული საშუალება არ აღმოჩნდა.

ადვოკატის თქმით, მისი კლიენტი დუმილის უფკლებას იყენებს.

5 თვის წინ, 12 მაისს ღამის კლუბებში - „ბასიანი“, „გალერი“ მასშტაბური სპეცოპერაციები ჩაატარდა, რის შედეგადაც 8 ახალგაზრდა დააკავეს, რომელთაც ბრალი ნარკოდანაშაულში ედებათ.