ბიზნესმენ ბადრი პატარკაციშვილის მკვლელეობის მომზადების საქმეზე გიორგი მერებაშვილს სასამართლომ აღკვეთის ღონისძიების სახით პატიმრობა შეუფარდა.

საქმის პროკურორის დავით გუმბერიძის განცხადებით, არსებობს ბრალდებულის მიმალვისა და მოწმეებზე ზეწოლის საფრთხე.

"თქვენს მიერ ჩამოთვლილი პირები ჩემთვის უცნობია და საერთოდ არ ვიცნობ მათ. უკანონო არაფერი ჩამიდენია არასდროს. რაც შეეხება მიმალვას, რატომ უნდა მივიმალო? ვისაც ოპერატიულ საქმიანობასთან და ძებნილებთან ჰქონია შეხება, იცის, რომ მიმალვაში ყოფნა ძალიან დიდ მატერიალურ სახსრებს მოითხოვს. მე კი ასეთი სახსრები არ გამაჩნია", - განაცხადა გიორგი მერებაშვილმა სასამართლო პროცესზე.