კუდ-ის მაღალჩინოსნებს, ლევან ქარდავას, რევაზ შიუკაშვილსა და გიორგი მერებაშვილს პროკურატურამ ბადრი პატარკაციშვილის მკვლელობის მომზადების ფაქტზე წაუყენა. სამი ბრალდებულიდან, სამართალდამცავებმა მხოლოდ მერაბაშვილი დააკავეს, რომლის მიმართაც აღკვეთის ღონისძიების შეფარდების საკითხზე სასამართლო დღეს იმსჯელებს.

ადვოკატების თქმით, დაცვის ქვეშ მყოფისთვის წაყენებული ბრალდება აბსურდულია:

„ბრალეულობას ვერ ვხვდებით, რაში გამოიხატა, ბრალი არის დანაშაულის მომზადებაზე, რაც გულისხმობს გარკვეული პირობების შექმნას ამ დანაშაულის ჩადენისთვის, არ არის გამოხატული კონკრეტული ქმედებები, რა განახორციელეს აღნიშნული დანაშაულის ჩადენისთვის შესაბამისად, ვთვლი, რომ დანაშულის ნიშნები არ არსებობს.

2016 წელს არის ექსპერტიზა ჩატარებული და დიდი ეჭვიც ამაზეა თუ საქართველოს პროკურატურამ იცოდა, რომ გამოკვეთილი იყო დანაშაული და კონკრეტულ პირებ ჩადენილი ჰქონდათ დანაშაული, რატომ არ მოხდა ბრალის წარდგენა 2016 წელს და რატომ მოხდა დღეს?. თუმცა ამაზე პასუხი ყველამ ვიცით, რომ იმ ვითარებიდან გამომდინარე რაც არის, ცდილობენ გადაფარვას აღნიშნული საქმით" - განაცხადა ადვოკატმა ქეთი მირიანაშვილმა.