დაუნის სინდრომის მქონე ბიჭუნასა და პრინცი ჰარის ჩახუტება - ბავშვი ჰარის წვერით მოიხიბლა და მის გაშვებაზე უარი განაცხადა (ფოტოები)

სასექსის ჰერცოგმა და ჰერცოგინიამ ახალი პატარა მეგობარი გაიჩინეს.

სამეფო ოჯახის წარმომადგენლები ავსტრალიაში იმყოფებიან, ისინი ახალ სამხრეთ უელსში ბაღის მოსწავლეებს შეხვდნენ, 5 წლის ლუკ ვინსენტმა კი უარი განაცხადა ჰარის გაშვებაზე, იგი პრინცს ჩაეხუტა და მას ხელი არ გაუშვა, შემდეგ კი არც მეგანისთვის დაიშურა ჩახუტება.

ლუკმა მეგანს ყვავილები გადასცა, ჰარის კი თავდაპირველად წვერზე მოეფერა, შემდეგ კი ჩაეხუტა.

ლუკი დაუნის სინდრომის მქონეა, როგორც ბიჭუნას მასწავლებელი აცხადებს, მისი საყვარელი ადამიანი დედამიწის ზურგზე სანტა კლაუსია და მას სანტა წვერის გამო უყვარს, სწორედ ამიტომ მიიზიდა იგი ჰარის წვერმა და თავად პრინცმა.