აუდიტის სამსახურში გამოკითხვაზე „ლეიბორისტული პარტიის“ წევრი გიორგი გუგავა იმყოფებოდა. გამოკითხვა ამომრჩევლების შესაძლო მოსყიდვის საქმეს უკავშირდებოდა. საუბარია ფაქტზე, რომლის მიხედვითაც თითქოს შალვა ნათელაშვილის ქუთაისში ამომრჩევლებთან შეხვედრისას, მისმა პარტიის წევრმა ფული მისცა მოქალაქეს.

გუგავას განცხადებით აღნიშნული სიმართლეს არ შეესაბამება.

“როგორც ჩანს ნარკომაფიოზა ივანიშვილს გადაწყვეტილი აქვს ხელოვნური მანიპულაციების გზით მისი მთავარი მოწინააღმდეგე და პოლიტიკური მტერი შალვა ნათელაშვილი ჩამოაშოროს საპრეზიდენტო არჩევნებს... ეს მაგონებს შემოდგომის ბუზის საქციელს, რომელიც გრძნობს თავის დასასრულს და ცდილობს მწარედ კბენას.“-განაცხადა გიორგი გუგავამ.