მთავარ პროკურატურასთან, „ბავშვთა სამყაროში" ხანძრის შედეგად დაზარალებულები საპროტესო აქვიას მართავენ.

"ნიუპოსტის" კორესპოდენტის ცნობით, ადგილზე სასწრაფო დახმარების გამოძახება გახდა საჭირო, რადგან ორი მოვაჭრე შეუძლოდ გახდა.

ერთ-ერთ მოვაჭრე ადგილზე ბენზინით სავსე ბოთლით მივიდა, რაც პოლიციამ ჩამოართვა.

აქციის მონაწილეების თქმით, ისინი აპირებენ, პროტესტის უკიდურეს ფორმას მიმართონ და ბენზინი გადაისხან.

დაზარალებული მოვაჭრეები არ გამორიცხავენ, რომ მთავარ პროკურატურასთან კარავიც გაშალონ.

ადგილზე მობილიზებულია პოლიცია.

დაზარალებულები „ბავშვთა სამყაროს" დირექციისგან ხანძრის შედეგად გამოწვეული ზარალის ანაზღაურებას ითხოვენ.