„დასკვნა ემთხვევა ზუსტად იმ ჩვენებას, რაც ლევან ყიფიანმა მისცა"- სპორტის ყოფილი მინისტრის ადვოკატი

სამართალი - 19:12, 05 Oct, 2018

2107

ლევან სამხარაულის ექსპერტიზის დასკვნის შედეგებს, რომელიც დღეს მთავარმა პროკურატურამ გაასაჯაროა სპორტის ყოფილი მინისტრის ლევან ყიფიანის ადვოკატი ნდობას უცხადებს.

სკანდალური ჩანაწერების ფიგურანტის უფლებადამცველი აცხადებს, რომ "ეს ჩანაწერი ვინმე პირის ბრალეულობისთვის აღარ გამოდგება".

შალვა ხაჭაპურიძე ამბობს, რომ დასკვნა ზუსტად ემთხვევა ლევან ყიფიანის იმ განცხადებებს, რომელიც მან სასამართლო წესით დაკითხვისას გააკეთა.

„დასკვნა ემთხვევა ზუსტად იმ ჩვენებას, რაც ლევან ყიფიანმა მისცა. ის, რომ გარკვეული მოლაპარაკება და თხოვნა იყო ოქუაშვილის მხრიდან, რომ გარკვეული ფრაზები გაეჟღერებინა და ა.შ.

თუმცა, ლევან ყიფიანმა დაკითხვისას განაცხადა, რომ ის საუბრებიც კი, რომელიც ჰქონდა ბატონ ოქუაშვილთან ისიც კი დამონტაჟებული იყო და შესაბამისად ეს მასალა, რომელიც გავრცელდა პროცესზე ბატონმა ლევანმა ასე განაცხადა, რომ იყო დამონტაჟებული.

ეს დასკვნა გვეუბნება მხოლოდ იმას, რომ იგი მტკიცებულებად ვინმე პირის ბრალეულობისთვის ვეღარ გამოდგება, რადგან არის ჭრელი და ავთენტიკური არ არის"-აცხადება ადვოკატი.

პროკურატურამ ლევან სამხარაულის ექსპერტიზის დასკვნის შედეგები გამოაქვეყნა. დასკვნის მიხედვით, სკანდალური აუდიოჩანაწერები, რაზეც გამოძიებაა დაწყებული დამონტაჟებულია. ჩანაწერში ფიქსირდება ხშირი წყვეტა და ის ავთენტიკური არ არის.