შინაგან საქმეთა ყოფილი მინისტრი ვანო მერაბიშვილი სასჯელაღსრულების დაწესებულებიდან ისევ კლინიკაში გადაიყვანეს.

ადვოკატებისა და ოჯახის წევრებისთვის უცნობია, თუ რატომ მოხდა ამჯერად მერაბიშვილის „მედიკლაბში“ გადაყვანა. უფლებადამცველების განცხადებით, მათ აქვთ ეჭვი, რომ სასჯელაღსრულების სამინისტრო მერაბიშვილის დიაგნოზის ფალსიფიცირებას ცდილობს:

„ასეთი განცხადება ვნახეთ ბევრი, ვნახეთ გუშინ იუსტიციის მინისტრის განცხადება, მაგრამ ფაქტი არის ერთი, დღემდე ვერც ადვოკატებმა ვერც ოჯახის წევრებმა ვერ მივიღეთ დასკვნა, რა არის დიაგნოზი. ასეთი ბევრი განცხადება გვინახავს, მიუხედავად ამისა, კიდევ გახდა საჭირო მისი გადმოყვანა კლინიკაში, გამოიკვლიეს სამჯერ და არ გვაძლევენ ამ დასკვნებს. გვაქვს ეჭვი, რომ ხდება მისი ფალსიფიკაცია. პაციენტისთვისაც მთავარია დადგინდეს გამომწვევი მიზეზები. გაუმჯობესება რომ შეინიშნებოდეს კლინიკაში მისი გადაყვანა საჭირო იქნებოდა?“, - განაცხადა ადვოკატმა სტეფანე თუმანიშვილმა.

ადვოკატის განცხადებით, ვანო მერაბიშვილი საღად აზროვნებს და მას აქვს ჰორნერის სინდრომთან დაკავშრებული პრობლემები.