დეკანოზ გიორგი მამალაძის ოჯახის წევრებმა და მრევლის ერთმა ნაწილმა ბათუმში ბათუმისა და ლაზეთის მიტროპოლიტის მეუფე დიმიტრის რეზიდენციასთან აქცია გამართეს. ისინი მეუფე დიმიტრისა და სხვა სასულიერო პირებს აკრიტიკებენ, რადგან მათ ე.წ. ციანიდის საქმეზე საკუთარი პოზიცია არ დააფიქსირეს.

აქციის მონაწილეებს გამოპტანილი ჰქონდათ ლოზუნგები - "მეუფეო შეწყვიტე დუმილი, თქვი სიმართლე", "მღვდელმთავარს მხოლოდ უფლის შიში მართებს".

დაპატიმრებული დეკანოზის ძმის თორნიკე მამალაძის განცხადებით, მეუფე დიმიტრიმ ყველაზე კარგად იცის თუ რატომ იხდის სასჯელს მამა გიორგი და მან სიმართლე უნდა თქვას.

წინააღმდეგ შემთხვევაში იგი ფართომასშტაბიანი აქციების გამართვას აპირებს.

აქციის მონაწილეებს მეუფის პრეს-სპიკერი, დეკანოზი იოანე გორელიშვილი შეხვდა და განუცხადა, რომ მეუფე დიმიტრი საქართველოში არ იმყოფება. რაც შეეხება აქციის მოთხოვნას, დეკანოზ იოანეს თქმით, მეუფემ რაც იცოდა თქვა და პრეზიდენტსაც მოუწოდა დეკანოზი მამალაძე შეეწყალებინა.

შეხვედრა კამათისა და ხმაურის ფონზე წარიმართა.

"რუსთავი 2"-ის ფოტო