ჯანდაცვის სამინისტროს სამედიცინო რეგულირების სააგენტოს ყოფილი ხელმძღვანელი გია თვალავაძე ბრალს არ აღიარებს. გამოძიება თვალავაძეს თანამდებობრივი უფლებამოსილების ბოროტად გამოყენებას ედავება.

ბრალდება თვალავაძისთვის აღკვეთის ღონისძების სახით პატიმრობის გამოყენებას ითხოვს, დაცვის მხარე კი სასამართლოს გირაოს შეფარდების შუამდგომლობით მიმართავს. ადვოკატი იმედოვნებს, რომ გია თვალავაძის წინააღმდეგ აღკვეთის ღონისძება გამოყენებული საერთოდ არ იქნება, რადგან დანაშაულის მტკიცებულებები არ არსებობს.

„ჩემი დაცვის ქვეშ მყოფები არ აღიარებენ ბრალად წარდგენილ ქმედებას. აქედან გამომდინარე ჩვენი პოზიცია იქნება, რომ არ უნდა იყოს არანაირი სახის აღმკვეთი ღონისძიება გამოყენებული. გამოძიების დაწყებას არავინ არავის უშლის. არ არის აუცილებელი, რომ ადამიანი დაადანაშაულონ ამა თუ იმ დანაშაულში. გამოძიების დაწყების პრობლემა არ არის“-ამბობს ადვოკატი ლალი აფციაური.