25 სექტემბრის ასტროლოგიური პროგნოზი

ეს საინტერესოა - 21:30, 24 Sep, 2018

6926

ვერძი
დღეს არ ღირს მსხვილი საქმიანი შეხვედრების დაგეგმვა. არ არის გამორიცხული არასასიამოვნო ამბის გაგება ან არასასიამოვნო სიტუაციაში მოხვედრა. რომანტიკული განწყობილება არ მოგცემთ მოწყენის საშუალებას.

კურო
დღეს კამათი გექნებათ უფროსებთან, მაგრამ დღე გაივლის ეფექტურად თუკი თქვენს პოტენციალს მიმართავთ ფიზიკურ შრომაზე. მიმდინარე საქმეები იქნება მარტივი და შემოსავლიანი.
ტყუპი
დღეს დიდ დროს დაუთმობთ, საუბრებს, დისკუსიებს. ეს რთული დღე მოითხოვს თქვენგან მობილიზებას და პროფესიონალიზმს. საღამოს მოსალოდნელია შეხვედრა თქვენთვის საინტერესო პიროვნებასთან.

კირჩხიბი
დღეს ახალი საქმიანი წინადადებით მოგმართავენ, მაგრამ არ დათანხმდეთ, რადგან ეს საქმე თქვენთვის მომგებიანი არ იქნება. დღეს მიღებული გადაწყვეტილებები, სამომავლოდ დაგეხმარებათ კარიერის ზრდაში. სადაც უარია სათქმელი ნუ დაფიქრდებით, უარი მოჭრით უთხარით, ყოველგვარი იმედის დატოვების გარეშე.
ლომი
თუ აქამდე თქვენი შემოსავლით უკმაყოფილო იყავით, ნუღარ დაღონდებით-ფული თითქოს "თავისი ფეხით" მოვა თქვენთან. ოღონდ მოულოდნელმა წარმატებამ თავბრუ არ უნდა დაგახვიოთ. შფოთიანი დღე გელით, თქვენ მიერ გამოთქმული თითოეული აზრი გარშემომყოფთა მოსაზრებებისგან რადიკალურად განსხვავებული იქნება და ნებისმიერი საუბარი პოლემიკაში გადაიზრდება.

ქალწული
შესაძლოა, გაგიჩნდეთ სურვილი, შეხვდეთ და ესაუბროთ ადამიანებს, რომელთა მოსაზრებები ადრე არ გაინტერესებდათ, დაიკმაყოფილეთ ცნობისმოყვარეობა. ეს განწყობილებას გაგიუმჯობესებთ. იფიქრეთ იმაზე, რომ დროულად მოაგვაროთ ფინანსური პრობლემები.

სასწორი
თავი შეიკავეთ დაპირებებისაგან, ნუ დაგეგმავთ წინასწარ ნურაფერს, დღევანდელი დღე მოულოდნელობით იქნება აღსავსე. თქვენ ბევრი ადამიანი დაგპირდებათ მხარდაჭერას, მაგრამ ჯობს მხოლოდ საკუთარი თავის იმედად იყოთ. ყურადღებით მოუსმინეთ ადამიანებს, რომლებიც თქვენ მიმართ კრიტიკულნი არიან.

მორიელი
დღევანდელი დღე იდეალურია ხანგრძლივი პროექტების დასაწყებად. საქმეში მიზანდასახული და ინდივიდუალური იყავით. წარმატება გელით შემოქმედებით საქმიანობაში. გაუფრთხილდით ჯანმრთელობას.
მშვილდოსანი
იდეალური დღეა გარდერობის განსაახლებლად და სახლის ინტერიერის შესაცვლელად. ნებისმიერ საკითხში მეგობრების რჩევას ყური დაუგდეთ, მათი აზრი გაითვალისწინეთ. პირად ცხოვრებაში რადიკალურ ნაბიჯებს ერიდეთ.

თხის რქა
დღეს საშუალება მოგეცემათ, კარიერაში მნიშვნელოვანი მწვერვალები დაიპყროთ, თუმცა დროა, პირად ცხოვრებასაც მიხედოთ. ყურადღება მიაქციეთ ჯანმრთელობას, აუცილებლად მიდით ექიმთან და ჩაიტარეთ პროფილაქტიკური მკურნალობა.
მერწყული
დღეს ყველაზე რთულ პრობლემებსაც მარტივად მოაგვარებთ. ახლობლებსა და ნათესავებს მეტი დრო დაუთმეთ. დღის მეორე ნახევარი მეგობრების წრეში მხიარულად გაატარეთ. ნურც საყვარელ ადამიანს დაივიწყებთ, მასაც სჭირდება თქვენი მზრუნველობა. დღევანდელი დღე ხელოვნებას მიუძღვენით.
თევზები
დღეს ნებისმიერი საქმიანობა და ძიება თქვენ დიდ სიამოვნებას მოგანიჭებთ, მაგრამ ეს არ ნიშნავს, რომ ყველა შედეგიანი იქნება.