ჯანდაცვის სამინისტროს სამედიცინო საქმიანობის სახელმწიფო რეგულირების სააგენტოს უფროსი გია თვალავაძე თავს დამნაშავედ არ ცნობს. დღეს დსაკავებული მაღალჩინოსანის ინტერესებს ადვოკატი ლალი აფციაური იცავს.

უფლებადამცვფელმა "ნიუპოსტს" უთხრა, რომ გია თვალავაძეს ამ ეტაპზე ბრალი არ აქვს წარდგენილი.

ადვოკატი არც საქმის მასალებს იცნობს.

"რამდენიმე წუთში გადმომეცემა საქმის მასალები, კოემნტარს მას შემდეგ გავაკეთებ. რაც შეეხება თვალავაძეს, ის თავს დამნაშავედ არ სცნობს"- აღნიშნა ადვოკატმა.

სუს-მა ჯანდაცვის სამინისტროს სამედიცინო საქმიანობის სახელმწიფო რეგულირების სააგენტოს უფროსი გია თვალავაძე დააკავა.

უწყების ცნობით, ფსიქოტროპული საშუალებების ურეცეპტოდ რეალიზაციის შედეგად 20 პირის, მათ შორის გია თვალავაძის მიერ მიღებულმა შემოსავალმა 4 094 709 ლარი შეადგინა.