აუდიტის სამსახურის დასკვნა - ქუმსიშვილი სკანდალში ეხვევა: "4 მილიონის დანამატები და თანამშრომელთა რაოდენობა ეჭვს იწვევს"

სამართალი - 17:54, 18 Sep, 2018

2988

აუდიტის სამსახურის მიერ გამოქვეყნებულიდასკვნის თანახმად, ეკონომიკის სამინისტროში დიმიტრი ქუმსიშვილის მინისტრობის პერიოდში დანამატების სახით გაცემული 4 მილიონი ლარის კანონიერება ეჭვს იწვევს.
უწყებაში აღნიშნავენ, რომ კითხვის ნიშნებს ბადებს თანამშრომელთა რაოდენობაც, რადგან დამტკიცებული საშტატო ერთეული და რეალურად მომუშავეთა რაოდენობა ერთმანეთს არ ემთხვევა.

სავარაუდო დარღვევა ეკონომიკის სამინისტროს პროექტს "აწარმოე საქართველოში" უკავშირდება. კერძოდ, "აწარმოე საქართველოში" დაქირავებული ჰყავდა 4 კონტრაქტორი კომპანია, რომელთაც უნდა შეემოწმებინათ, რამდენად მიზნობრივად იხარჯებოდა პროექტიდან მიღებული თანხები.

დასკვნაში აღნიშნულია, რომ პროექტის შემოწმების შემდეგ კონტრაქტორი კომპანიები ვალდებულებებს სათანადოდ არ ასრულებდნენ. აუდიტორების თქმით, 46-მე ბენეფიციარმა კონტრაქტით გათვალისწინებული პირობები არ შეასრულა.

„აღნიშნულ კონტრაქტორებს აქვთ ვალდებულება, რომ შეადგინონ მონიტორინგის ანგარიში, თუ როგორ ხდება შემდგომ უკვე ბენეფიციარების მიერ ამ პროგრამის განხორციელება. ანუ მიღებული თანხები იხარჯება თუ არა მიზნობრივად. აღმოჩნდა, რომ ეს კომპანიები ან არასრულად, ან ზოგჯერ საერთოდ არ წარადგენენ ასეთ ინფორმაციას სსიპ „აწარმოე საქართველოში“,- განაცხადა აუდიტის დეპარტამენტის უფროსმა, თორნიკე შერმადინმა.