18 სექტემბრის ასტროლოგიური პროგნოზი

ეს საინტერესოა - 17:09, 17 Sep, 2018

6491

ვერძი
რაც უფრო თავაზიანი იქნებით, მით მოიგებთ. კარგი დღეა უძრავ ქონებასთან დაკავშირებული საკითხების მოსაგვარებლად, ქველმოქმედებისთვის, ოჯახური ტრადიციების აღსადგენად.

კურო
სამსახურში თანამოაზრეებთან შეთანხმებულად იმოქმედეთ. ნათესავების დახმარებით შეძლებთ ახალი საქმეების დაწყებას. მეტი დრო დაუთმეთ შემოქმედებითი იდეების განხორციელებას.

ტყუპი
შანსი მოგეცემათ დაწინაურდეთ, ახალ სამსახურში გადახვიდეთ. გაგიუმჯობესდებათ მატერიალური მდგომარეობა. კარგი დღეა საყიდლებისთვის. განსაკუთრებით, ანტიკვარიატის.

კირჩხიბი
აკეთეთ ის, რაც სწორად მიგაჩნიათ და ნურავის ნურაფერს ნუ დაუმტკიცებთ. სწავლის, მოგზაურობის დღეა. წარმატება ელით პოლიტიკოსებს, იურისტებს, არტისტებს.

ლომი
დღეს იძულებით და აგრესიით ვერავის ვერაფერს გააკეთებინებთ. ფსიქოლოგიურად მიუდექით ადამიანებს, დააინტერესეთ. საქმიანი მოლაპარაკებაც მეგობრულ გარემოში წარმართეთ.

ქალწული
ახლობლების დახმარების იმედი გქონდეთ. მოერიდეთ პოლემიკას, გარშემო მყოფების კრიტიკას. საქმიანი პარტნიორი მეგობრული დახმარებით აგავსებთ, სასიყვარულო - მზრუნველობით.

სასწორი
დღეს თავაზიანი და ღიმილიანი უნდა იყოთ. გააუმჯობესეთ ურთიერთობა უფროსთან. განსაკუთრებით, თუ მისგან რაიმე სარგებელს ელით. დააფასეთ ტრადიციები, უფროსები.

მორიელი
აქტიურობის დღეა. შანსი მოგეცემათ განახორციელოთ ჩანაფიქრები. თუ აქტიურობის განწყობაზე არ ხართ, დრო დაუთმეთ შემოქმედებას, სიყვარულს, დასვენებას. ზოგიერთს ეზოტერიკული სამყარო გაიტაცებს.

მშვილდოსანი
საკუთარ გრძნობებზე დაყრდნობით იმოქმედეთ. დღეს ყველა სიტუაციაში თავს ფუფუნების უფლება უნდა მისცეთ. მიირთვით ძვირად ღირებული საჭმელი, სასმელი, გაერთეთ.

თხის რქა
შერიგების, ოჯახური წვეულების, დღესასწაულის მოწყობის დღეა. დატვირთულია ემოციური და სულიერი ცხოვრებაც. შეიძლება პარტნიორთან ურთიერთობის გაუმჯობესებაში მესამე პირი დაგეხმაროთ.

მერწყული
გაგიუმჯობესდებათ მატერიალური მდგომარეობა. შეიძლება მეგობარმა ჩაგირიცხოთ თანხა ანგარიშზე. ზოგიერთი ძვირად ღირებულ ნივთს შეიძენას. გაუზიარეთ თქვენი სიხარული ნათესავებს.

თევზები
ფორტუნა სიურპრიზებსა და საჩუქრებს გპირდებათ. თქვენს ნიჭს ღირსეულად დააფასებენ. დღეს ყველაზე თამამ იდეებსაც კი განახორციელებთ. გააუმჯობესეთ ურთიერთობა საქმიან და სასიყვარულო პარტნიორებთან.