რუსეთის უზენაესმა სასაართლომ სამუდამო პატიმრობის განაჩენი გაუუქმა ყოფილ მილიციელს, 52 წლის ევგენი ჩუპლინსკის, რომელსაც 19 ქალის მოკვლა, წამება და დანაწევრება ედება ბრალად.

ამის შესახებ საქმის პროკურორმა ანჟელიკა ეგოროვამ განაცხადა.

„სას­ჯე­ლი გა­უქ­მებულია, საქ­მე ხე­ლახ­ლა გან­სა­ხილ­ვე­ლად გა­და­იგ­ზავ­ნა“ - განაცხადა პროკურორმა.

მისივე თქმით, ჩუპლინსკის ბრალეულობა კვლავ ძალაში რჩება, თუმცა სასჯელის სახეზე თავიდან იმსჯელებენ.

ყოფილ პოლიციელს სამუდამო პატიმრობა 6 მარტს მიესაჯა. მას 1998-2005 წლებში 19 ქალის მკვლელობა ედება ბრალად. აღიშნულ წლებში ნოვოსიბირსკში ეძებდნენ „სატანისტ მანიაკს“, რომელიც ქალებს ხოცავდა და ანაწევრებდა. აღსანიშნავია, რომ მოკლული ქალების უმრავლესობა სექსმუშაკი იყო.

როგორც გამოძიებამ დაადგინა, 1990-იანი წლე­ბის ბო­ლოს ჩუპ­ლინ­სკი ნო­ვო­სი­ბირსკში, კი­რო­ვის რა­ი­ონ­ში მუ­შა­ობ­და და ხშირად სტუმრობდა ადგილს, სადაც სექსმუშაკები იკრიბებოდნენ.

მკვლელობის შემდეგ მანიაჯი, ქალების სხე­უ­ლს ჯერ ანაწევრებდა, შემდეგ მასზე რაიმე ნიშანს ტოვებდა, სხეულის ერთ ნა­წილი კი მიჰქონდა და ინახავდა, სანამ მორიგ მსხვერპლს არ შეხვდებოდა.

პოლიციელის შესაძლო ბრალეულობის შესახებ ინფორმაცია 2006 წელს გავრცელდა, როდესაც ის დააკავეს, თუმცა პოლიციამ მტკიცებულებების არარსებობის გამო გაათავისუფლა. მოსახლეობაც აღშფოთებული იყო მისი დაკავებით, აცხადებდნენ, რომ მისი დანაშაულის არ სჯეროდათ.