რომელ ქვეყანაში განიცდიან ყველაზე მეტად ნეგატიურ ემოციებს - Gallup-მა მოსახლეობის ემოციები გამოიკვლია

ეს საინტერესოა - 16:08, 12 Sep, 2018

2086

2017 წელი ბოლო ათწლეულის მანძილზე ყველაზე საშინელი იყო, ასეთი დასკვნა შეიძლება გაკეთდეს Gallup's annual Global Emotions Report-ის მიხედვით, რომელიც 146 ქვეყანაში მცხოვრები ადამიანების ემოციების კვლევას ეფუძნება.

Gallup-ის კვლევის მიხედვით გასულ წელს ადამიანები უფრო მეტად განიცდიდნენ ნეგატიურ ემოციებს: დარდს, სტრესს, შფოთს, მრისხანებას და ფიზიკურ ტკივილს, ვიდრე სხვა წლებში.

აღნიშნული კვლევა 2005 წლიდან ტარდება. 2017 წლის შედეგებმა აჩვენა, რომ მსოფლიო უფრო მეტად „ნეგატიური“ გახდა .

კვლევის თანახმად, სხვა ადამიანებზე ხშირად ნეგატიურ ემოციებს ცენტრალური აფრიკის, ერაყისა და სამხრეთ სუდანის მოსახლეობა განიცდიდა.

Gallup-ის სპეციალისტებმა 146 ქვეყნის მაცხოვრებლები გამოკითხეს, განუცდიათ თუ არა ნეგატიური ემოცია გამოკითხვის წინა დღეს. რესპოდენტების მესამედმა უპასუხა, რომ მან განიცადა სტრესი და შფოთი, 31% -მა განცხადა, რომ იგრძნო ფიზიკური ტკივილი, ხოლო 20% -მა მწუხარებისა და მრისხანების შესახებ ისაუბრა.

ცენტრალური აფრიკის მოსახლეობის ნეგატიური ემოციების ინდექსი ყველაზე მაღალია არა მხოლოდ 2017 წლისთვის, არამედ ბოლო ათი წლის განმავლობაში. წინა 4 წლის განმავლობაში რეიტინგში პირველ ადგილზე ერაყი გადიოდა. 2008 წლიდან კი ის ყოველთვის ხვდებოდა იმ ქვეყნების ხუთეულში, რომლის მაცხოვრებლებიც ყველაზე ხშირად განიცდიან ნეგატიურ ემოციებს.

იმ ქვეყნებს შორის, რომლებსაც ნეგატიური ემოციების მეტნაკლებად დაბალი ინდექსი აქვთ არიან - ტაივანი, ყირგიზეთი, ყაზახეთი, ესტონეთი, უზბეკეთი, აზერბაიჯანი, რუსეთი, პოლონეთი, მონღოლეთი, შვედეთი და ახალი ზელანდია. თუმცა მკვლევარები თქმით, ეს არ ნიშნავს, იმას რომ ისინი ხშირად განიცდიან პოზიტიურ ემოციებს.

იმ ქვეყნების რეიტინგში, რომლის მაცხოვრებლებიც ყველაზე ხშირად განიცდიან პოზიტიურ ემოციებს სათავეში არიან: პარაგვაი, კოლუმბია, ელ სალვადორი, გვატემალა, კანადა, კოსტა-რიკა, ეკვადორი. ექსპერტები თვლიან, რომ ეს მონაცემები ასახავს კულტურულ ტენდენციებს სამხრეთ და ცენტრალურ ამერიკაში, რომელიც მიმართულია პოზიტიური ემოციებისგან. ისლანდია აღმოჩნდა ერთადერთი ევროპული ქვეყანა, რომელიც პოზიტიური ემოციების რეიტინგში საწყის ადგილებზე აღმოჩნდა, ის ამ რეიტინგში მე-12 პოზიციაზეა. ხოლო აზიიდან ამ რეიტინგში მხოლოდ ინდონეზია და უზბეკეთი მოხვდნენ.