მეცნიერებმა 72 უცნაური, არამიწიერი სიგნალი დაიჭირეს, რომელიც დედამიწიდან 3 მილიარდი წლითაა დაშორებული

ეს საინტერესოა - 15:00, 12 Sep, 2018

2843

ბერკლის უნივერსიტეტის მკვლევარებმა 400 ტერაბაიტი რადიოინფორმაციის გაშიფვრის შედეგად 72 უცნაური სიგნალი აღმოაჩინეს, რომელიც დედამიწიდან 3 მლრდ სინათლის წლით დაშორებული ჯუჯა გალაქტიკიდან მიიღეს.

კვლევები SETI -ს ფარგლებში ტარდებოდა, რომელიც არამიწიერი ცივილიზაციების ძიების საერთაშორისო პროექტია.

პროექტი 1959 წლიდან არსებობს და ეფუძნება მოსაზრებას, რო ნებისმიერ ტექნოლოგიურად განვითარებულ ცივილიზაციას შეუძლია გარკვეულ სიხშირეზე სიგნალები გადასცეს. კვლევა ძირითადად ფინანსდება ამერიკული კომპანიებისგან და ნაწილობრივ NASA-ს მიერ.

სიგნალის წყარო, მკვლევარების მიერ აღნიშნული როგორც FRB 121102- უნიკალურია, რადგან ის რეგულარულად გამოსცემს ასეთი სახის სწრაფ რადიოტალღებს.

აღმოჩენილი სიგნალები წარმოადგენენ სწრაფ, მაგრამ კარგად აღქმად რადიოიმპულსებს. მსგავსი რამ მეცნიერებმა უკვე შეამჩნიეს 2007 წელს, თუმცა მკვლევარების ყურადღება მხოლოდ ახლა მიიპყრო.

„სიგნალების წარმომქმნელი ობიექტის ბუნება უცნობია“- აცხადებენ SETI-ში. არსებობს რამდენიმე თეორია მათი წარმოშობის შესახებ, ერთ-ერთი მათგანი გულისხმობს იმას, რომ სიგნალები იგზავნება უცნობი არამიწიერი გონიერი სუბსტანციის მიერ.