დღეს გამართულ საკრებულოს სხდომაზე უმრავლესობამ 2014 წლით დატარიღებული ფორმა #3 ისე დაამტკიცა დღევანდელი რიცხვით, ოპოზიციის წევრს კითხვა რომ არ დაესვა, ალბათ, არც კი დახედავდნენ, რა ტექნიკური ხარვეზით დაურიგდათ დღის წესრიგით განსახილველი საკითხები, რომელშიც პუნქტობრივად ჩამოშლილი საკითხების წაკითხვა ლათინურ-რუსული დამწერლობითაა შესაძლებელი.

მართალია, მერიის საბიუჯეტო-საფინანსო სამსახურის ხელმძღვანელის მისამართით, გამორჩეულად აქტიური დეპუტატები და საკრებულოს თავმჯდომარის მოადგილე, დღეასაც საკმაოდ კრიტიკულები იყვნენ, მაგრამ გია მამაკაიშვილმა მოსმენილი განცხადებები პოლიტიკურად შეაფასა და გიორგი ღურჯუმელიძეს კონტრშეკითხვით მიბრუნდა:
„გიორგი, კარგად ვხვდები რასაც მეკითხები, მაგრამ ამ ფორმით ცოტა უხერხულია. მე დღეს არ გავმხდარვარ ამ სამსახურის ხელმზღვანელი და წინა წლებში მშვენივრად ვტანამშრომლობდით. ახლა ამ ყველაფერმა შეიძინა პოლიტიკური ფორმა და თანამშრომლობა ამ ფორმაში გადავიდა. შენიშვნები სჯობს თქვენს დეპუტატებს მისცეთ"-აღნიშნა მამაკაიშვილმა.

კამათი და ხმაური საკრებულოზე დღის წესრიგით გათვალისიწნებულ პირველ საკითხს მოჰყვა.

"ოზურგეთის მუნიციპალიტეტის მერიის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრისა და საშტატო ნუსხის დამტკიცების შესახებ“ ოზურგეთის მუნიციპალიტეტის საკრებულოს 2018 წლის 18 იანვრის N5 დადგენილებაში ცვლილების შეტანის შესახებ, რომელიც მერიაში არსებულ 39 პოზიციაზე რანგისა და კატეგორიის ცვლილებას ეხება.

აღნიშნული ცვლილების მიხედვით, 39 ადამიანს სახელფასო სარგო 150 ლარით შეუმცირდათ.

შენიშვნები საკითხის ირგვლივ, საკრებულოს წევრების მხრიდან მრავლად გამოითქვა და ძირითადად მერიაში მობილობის დარღვევით განხორციელებას ეხებოდა.

საკრებულომ ბოლოს ხმათა უმრავლესობით N5 დადგენილებაში ცვლილები დაამტკიცა. ოპოზიციონერი დეპუტატის კითხვაზე-წაიკითხეს თუ არა რა ცვლილებას უყარეს კენჭი და რატომ იყო ეს დოკუმენტი დათარიღებული 2014 წლით, პასუხი იყო, რომ ტექნიკური ხარვეზია და გამოსწორდება.