სმიტების მკვლელობა - შეუძლია თუ არა 19 წლის მწყემსს სექსუალური კავშირის დამყარება

სამართალი - 12:38, 05 Sep, 2018

3350

მიმდინარე კვირაში ჩატარდება ექსპერტიზა, რომელიც დაადგენს, შეუძლია თუ არა მალხაზ კობაურს სქესობრივი აქტის დამყარება - ამის შესახებ სმიტების მკვლელობაში ბრალდებულის ადვოკატმა, ვასილ მამულაშვილმა დღეს ჟურნალისტებთან ისაუბრა.

„ჩანიშნული გვაქვს ექსპერტიზა და ჩატარდება მალხაზ კობაურის ჯანმრთელობის და ფიზიოლოგიური კომპლექსური კვლევა, რითიც დადგინდება, რამდენად აქვს მას შესაძლებლობა, ზოგადად, სქესობრივი აქტის დამყარებისა და ამ შეკითხვაზე მტკიცე პასუხის გაცემა შემდგომში მყარად მოგვიწევს. გვაქვს გონივრული ეჭვი, რომ საერთოდ, ამ კუთხით გამოირიცხება თეორიული ვერსიები გაუპატიურებაზე. ამ კვირაში ჩატარდება ექსპერტიზა“, - განაცხადა ვასილ მამულაშვილმა.

ადვოკატის თქმით, რაიან სმიტს გარდაცვალებამდე უახლოეს პერიოდში მიყენებული აქვს 3-4 დაზიანება წვივისა და გულ-მკერდის არეში, ასევე იღლიასა და მუცელში.

„გარკვეულმა პირმა თუ პირებმა, რომელებსაც მალხაზ კობაური მიუთითებს, ჯერ მიაყენეს დაზიანება და შემდგომ მოახდინეს რაიან სმიტის განზრახ მკვლელობა. მალხაზ კობაურის ჩვენებით თუ ვიმსჯელებთ, მაშინ როცა რაიან სმიტი იყო მუხლებზე დაჩოქილი, ამ მომენტში მას რამდენიმე დარტყმა მიაყენეს. რაიან სმიტი როცა ფეხზე იდგა, პირველი დარტყმა უცხო პიროვნებამ მიაყენა წვივის არეში და ყვირილის და ტკივილის შემდეგ სმიტი დაიჩოქა, რის მერეც მიაყენეს დაზიანებები"- ამბობს უფლებადამცველი.

დაცვის მხარე 19 წლის მწყემის აღნაგობაზე აპელირებს:

"მალხაზ კობაურის აღნაგობა მოეხსენება საზოგადოებას და სრულიად წარმოუდგენელია, ჯერ ფიზიკური დაზიანებები მიეყენებინა რაიან სმიტისთვის და შემდეგ ზურგის არეში ესროლა. კონფლიქტის შემდეგ პირველი გასროლა განხორციელებულია სწორედ ზურგის არეში. ასევე მნიშვნელოვანია განისაზღვროს სასიკვდილო გასროლის ტრაექტორია, რაზეც შესაბამისი ექსპერტიზა, ვფიქრობ, ჩაინიშნება გამოძიების მიერ და დადგინდება უშუალო ტრაექტორია. მალხაზ კობაური არის მსხვერპლი ამ დანაშაულში. მას არანაირი შემხებლობა არ აქვს საქმესთან. დაზიანებების არსებობა გამორიცხავს იმ რეალობას, რასაც გვთავაზობს გამოძიება“, - განაცხადა ადვოკატმა.