რესპუბლიკელი სენატორის ჯონ მაკკეინის დაკრძალვის ცერემონიალს აშშ-ის 43-ე და 44-ე პრეზიდენტები დაესწრნენ. ჯონ მაკკეინის სურვილის თანახმად, რესპუბლიკელი ჯორჯ ბუში და დემოკრატი ბარაკ ობამა მის დაკრძალვაზე სიტყვით გამოვიდნენ. სწორედ ბუში და ობამა იყვნენ ისინი, ვისთანაც მაკკეინი პრეზიდენტობისთვის ბრძოლაში დამარცხდა. ჯორჯ ბუშმა ჯონ მაკკეინი 2000 წლის რესპუბლიკური პარტიის საპრეზიდენტო არჩევნების პრაიმერიზში დაამარცხა. ბარაკ ობამამ კი - 2008 წლის არჩევნებში.

ცერემონიალის მიმდინარეობისას, ვიდეოკამერებმა შთამბეჭდავი მომენტი დააფიქსირეს - ჯორჯ ბუშმა მიშელ ობამას კანფეტი უწილადა. სხვადასხვა პარტიული და პოლიტიკური მრწამსის მიუხედავად აშშ-ის პრეზიდენტების და პირველი ლედების ურთიერთობას დადებით გამოხმაურება მოჰყვა.