ავსტრალიაში 88 წლის ასაკში "ტარზანი" გარდაიცვალა - რა კავშირი ჰქონდა მას საქართველოსთან (ფოტოები)

ეს საინტერესოა - 17:01, 22 Aug, 2018

9206

ავსტრალიაში 88 წლის ასაკში მაიკლ (მიხაილ) ფომენკო გარდაიცვალა - ადამიანი, რომელსაც „ტარზანს“ უძახდნენ იმის გამო, რომ 60 წელზე მეტი ჯუნგლებში ცხოვრობდა. გასული საუკუნის 50-იან წლებში მან მიატოვა უზრუნველყოფილი და კომფორტული ცხოვრება და პროფესიონალური სპორტის კარიერა სიდნეიში და ველურ პირობებში გადავიდა საცხოვრებლად. თავისი უკანასკნელი დღეები მაიკლ ფომენკომ ხანდაზმულთა სახლში გაატარა, სადაც 2012 წელს განათავსეს.

„მაიკლ ფომენკო იყო ადამიანი, რომელიც ახსოვთ ავსტრალიის ბუნების უკიდეგანო სიყვარულის და ოცნებების ახდენის ძიებაში გამოჩენილი წარმოუდგენელი სიმამაცის გამო.“- განაცხადა მისმა დამ ინესმა.

ამის დოკუმენტალური დადასტურება არ არსებობს, თუმცა ერთ-ერთი ვერსიით მაიკლ (მიხაილ) ფომენკო 1930 წელს საქართველოში დაიბადა. მისი დედა ქართველი თავადის ქალი- ელისაბედ მაჩაბელი იყო, მამა კი კაზაკი, სპორტის ოსტატი მსუბუქ ათლეტიზმში დანიელ ფომენკო. ოჯახი 30-იან წლებში ყალბი პირადობის მოწმობებით ემიგრაციაში წავიდა, ჯერ ჩინეთში, შემდეგ იაპონიაში, ბოლოს კი ავსტრალიაში.

მაიკლ ფომენკო ფიზიკურად საოცრად ძლიერი იყო, ის ათჭიდების ასპარეზობებში მედლებს იღებდა და 1956 წელს მელბურნის ოლიმპიადაზე მონაწილეობის კანდიდატებს შორისაც კი იყო. თუმცა 25 წლის ასაკში ცივილიზაციის მიტოვება გადაწყვიტა და ავსტრალიის ჩრდილოეთით ტყეში ცხოვრება დაიწყო, სადაც 60 წელი გაატარა, ამ დროის განმავლობაში ის რამდენიმეჯერ გადაურჩას შიმშილით სიკვდილს, მშობლების მოთხოვნით, პოლიციას რამდნჯერმე ჰყავდა დაპატიმრებული მაწანწალობისთვის და შიშველი სიარულისთვის, მოხვდა ფსიქიატრიულ საავადმყოფიშიც, სადაც ელექტროშოკით მკურნალობდნენ, თუმცა საბოლოოდ მაინც ტყეს უბრუნდებოდა. ველურ ჯუნგლებს სადაც მაიკლ ფომენკო ცხოვრობდა ის სამოთხეს უწოდებდა.

„მე უარი ვთქვი იმაზე, რასაც თქვენ ცივილიზაციას უწოდებტ. მე ის პირობები მსურს, რომელშიც ვცხოვრობ, სხვაგვარად მხოლოდ ნახევრად ცოცხალი ვიქნები.“- წერდა ის 1960 წელს.