სახელმწიფო უსაფრთხოების სამსახურის უფროსის მოადგილე იოსებ გოგაშვილი გუშინ თანამდებობიდან გადადგა. გოგაშვილის პასუხისგებაში მიცემას ითხოვს მოკლული თემირლან მაჩალიკაშვილის ოჯახი.

ადამიანის უფლებათა სწავლებისა და მონიტორინგის ცენტრის განცხადებით, თემირლან მაჩალიკაშვილის წინააღმდეგ ჩატარებულ სპეცოპერაციაში სუს-ის ყოფილი მაღალჩინოსანი, იოსებ გოგაშვილი, ფიგურირებდა. გოგაშვილის გადადგომის შემდეგ, დამნაშავეების დასჯას ორგანიზაციაში კიდევ ერთხელ მოითხოვენ.

„ვითხოვდით დუისში, მალხაზ მაჩალიკაშვილის სახლში, ჩატარებული სპეცოპერაციის დამგეგმავისა და სპეცოპერაციაზე პასუხისმგებელი პირების პასუხისმგებლობის საკითხის დაყენებას, თუმცა, ბუნებრივია, რომ მათ ამ დრომდე არ უპასუხიათ,“ - ამბობს ადვოკატი ქეთი ჩუთლაშვილი.