"კრემლის დიეტა" - წონაში კლების კიდევ ერთი პოპულარული მეთოდი, დაცვის წესები და პროდუქების სია

ეს საინტერესოა - 20:53, 14 Aug, 2018

14853

ქულების დიეტა "კრემლის დიეტის" სახელითაცაა ცნობილი. აღნიშნული დიეტა ნახშირწყლების შემცველი პროდუქტების შეზღუდვას გულისხმობს, სამაგიეროდ საკმაო რაოდენობითაა შესაძლებელი ცილოვანი პროდუქტების მიღება. დიეტის პოპულრობა განაპირობა იმან, რომ ადამიანს არ მოეთხოვება საათობრივად, გრამობით და კალორიების მიხედვით კვება.

ამა თუ იმ პროდუქტის ქულა ენიჭება მასში 100 გრამზე ნახშირწყლების რაოდენობის მიხედვით. ამიტომ იმ საკვების ქულა, რომელიც შესაძლოა ქვემოთ მოყვანილ ცხრილში არ იყოს, თავადაც შეგიძლიათ გამოიოანგარიშოთ, უბრალოდ პრიოდუქციის ეტიკეტზე ნახეთ 100 გრამ პროდუქტში ნახშირწყლების რაოდენობა.

ქულების დიეტას აქვს კიდევ რამდენიმე პრინციპი:

მარილი უნდა გამოიყენოთ ზომიერად, უნდა დალიოთ დღეში 1.5-2 ლიტრი სუფთა წყალი, არა გაზიანი. არავითარ შემთხვევაში არ შეეცადოთ ქულების მინიმუმამდე შემცირებას, რომ ორგანიზმს არ შეუქმნათ აუცილებელი ნივთიერებების დეფიციტი. ითვლით არა კალორიებს არამედ ქულებს, ამიტომ ნუ შეეცდებით მხოლოდ დაბალკალორიული საკვების ჭამას იმის შიშით, რომ არ მიიღოთ ბევრი კალორია. ნუ იტყვით მთლიანად უარს ბოსტნეულსა და ხილზე, რომ არ შეუქმნათ ორგანიზმს ვიტამინების დეფიციტი. დღიური რაციონი შეადგინეთ ისე, რომ მასში აუცილებლად იყოს გათვალისწინებული ბოსტნეულიც.

დიეტის ეტაპები

პირველი ეტაპი - გრძელდება მინიმუმ 2 კვირა. ამ პერიოდში უნდა შემცირდეს ნახშირწყლების მიღება დღეში 20 ქულამდე. მთლიანად გამორიცხულია ხილი, ფქვილის ნაწარმი, სახამებლის შემცველი ბოსტნეული (კარტოფილი, სიმინდი) და ტკბილეული. ხორცის, თევზის, კვერცხის, ყველის, კარაქის მიღება შესაძლებელია ნებისმიერი ფორმით და ნებისმიერი რაოდენობით.

მეორე ეტაპი - მენიუში თანდათან ერთვება ბოსტნეული, თხილი, მზესუმზირა და კენკრა. შესაძლებელია ქულების რაოდენობის 25 მდე გაზრდა, მომდევნო კვირებში 5-5 ქულით მომატება ვიდრე 40 ქულას არ მიაღწევს. 40 ქულა ნარჩუნდება სასურველი წონის მიღწევამდე. სასურველი წონის მიღწევის შემდეგ 60 ქულამდე გაზრდაც

მესამე ეტაპი - უმჯობესია გაგრძელდეს 2-3 თვე, სანამ ბოლო ზედმეტი კილოგრამებიც არ დაიკარგება. დიეტის შემდგომ ადამიანების უმეტესობა ცდილობს ნახშირწყლების რაოდენობა კვლავ 60 ქულაზე შეინარჩუნოს.

ქულების დიეტის დაცვა არ შეიძლება მათთვის ვისაც თირკმელების პრობლემა აქვს, ასევე განსაკუთრებით უნდა მოერიდონ ისინიც ვისაც აწუხებს გული, კუჭი და მომნელებელი სისტემის პრობლემები.

გასათვალისწინებელია ის ფაქტი, რომ ალკოჰოლს 0 ქულა აქვს, თუმცა ის მადას აძლიერებს, ამიტომ საჭიროა ალკოჰოლის მიღებისგან თავის შეკავება მოხდეს.

დიეტის დროს უმჯობესია ფიზიკური აქტივობის გაზრდა, ვარჯიში, ფეხით სიარული, სირბილი.

დღეში 40 ქულა და ნაკლები - გახდომა;

დღეში 40–60 ქულა – არც მოიმატებთ და არც დაიკლებთ;

დღეში 60 ქულა და მეტი - გასუქება.

60 ქულა არის მაქსიმალური დღიური ნორმა სპორტით დაკავებული მოზრდილი მამაკაცისთვის.