ბოდბელი ეპისკოპოსის მეუფე იაკობმა 12 აგვისტოს ქადაგებაში კიდევ ერთხელ ისაუბრა "ციანიდის საქმეზე" და დეკანოზი მამალაძე კიდევ ერთხელ დაადანაშაულა. ბოდბელი ეპისკოპოსი მეუფე იაკობი დეკანოზ გიორგი მამალაძეს „ავაზაკად“ და „დაჯგუფების წევრად“ მოიხსენიებს. მეუფე იაკობის თქმით, ამ „დაჯგუფების“ უკან ერთ-ერთი ბიზნესმენი დგას.

მეუფე იაკობის ქადაგებას დეკანოზის ადვოკატი მიხეილ რამიშვილი ეხმაურება:

„წყალწაღებული ხავსს ეკიდებოდაო, იაკობს შეუძლია მეუფეებიც ნახოს, დაელაპარაკოს, ერთ-ერთი არის მეუფე ანდრეა, რომელთანაც მქონდა მე კონტაქტი, დიახ, მქონდა მე მამა კახაბერთან ურთიერთბა, დიახ, მე მამა კახაბერს ვესაუბრებოდი, ეყოს ვაჟკაცობა ახლა მამა კახაბერს, გამობრძანდეს და თქვას, რა საკითხებზე ველაპარაკებოდი და რა შანტაჟზე იყო, თუ იყო საერთოდ, საუბარი. რაც შეეხება ბიზნესებს, ეს არის მტკნარი სიცრუე, არანაირი ბიზნესი საქმეში არ არსებობს და თუ გავითვალისწინებთ, რომ მეუფე იაკობს ძალიან მჭიდრო ურთიერთობა აქვს სუს-ის მაღალჩინოსნებთან, მას თავისუფლად შეეძლო და შეძლებდა, რომ ეს ინფორმაცია მიეტანა სუსში მაღალჩინოსნებთან და აბსოლუტურად სხვანაირი რაკურსით წასულიყო გამოძიება და ეთანამშრომლა თუ არსებობდა ამდაგვარი რამ“, - აცხადებს მიხეილ რამიშვილი.