ეგვიპტეში, ლუქსორში, მეფეთა ველთან ახლოს, ძველეგვიპტური ქალაქი თებეს საპირისპირო მხარეს, გზის სარემონტო სამუშაოების დროს აღმოაჩინეს ქანდაკება, რომელსაც ლომის ტანი და ადამიანის თავი აქვს. მეცნიერები თვლიან, რომე ეს სფინქსის კიდევ ერთი ქანდაკებაა და იგი, ექსპერტების პირველადი შეფასების მიხედვით, დაახლოებით 4 ათასი წლის წინაა დამზადებული.

ქანდაკება მიწიდან ჯერ არ მოუღიათ და მისი ფოტოები ჯერ არ ვრცელდება. თუმცა, მასთან ტურისტებს მიახლოება უკვე შეუძლიათ.

იმ შემთხვევაში, თუ დადგინდება, რომ ქანდაკება ნამდვილად 4 ათასი წლისაა, ის იქნება მსოფლიოში სიძველით მეორე სფინქსის ქანდაკება.