NASA სპეციალურ ზონდს გაუშვებს, რომელიც მზის გვირგვინში შევა

ეს საინტერესოა - 15:00, 11 Aug, 2018

4241

NASA 12 აგვისტოს კოსმოსში სპეციალურ ზონდს Parker Solar Probe-ს გაუშვვებს, რომელიც მზის ატმოსფეროს 24-ჯერ შემოუფრენს და ბოლოს მასში შევა. ასტრონომები ვარაუდობენ, რომ მისი ფრენისა და დაღუპვის შედეგად ისინი მიიღებენ ინფორმაციას, რომელიც საშიუალებას მისცემს მეცნიერებს ამოხსნან მზის ქარის წარმოქმნის საიდუმლო. აპარატი მზეს 6 მილიონი კილომეტრის მანძილზე მიუახლოვდება და მზის ატმოსფეროში 2025 წელს შეაღწევს.

აპარატი მცირე ზომისაა და მას მზის სიმხურვალისაგან დამცავი, რამდენიმე მეტრის სიგრძე-სიგანისა და 11 სანტიმეტრის სისქის სპეციალური ეკრანი აქვს. მასზე ასევე დამონტაჟებულია ინფორმაციის შემკრები რამდენიმე სპეციალური მოწყობილობა.

შვიდწლიანი ფრენის განმავლობაში აპარატი თანდათან მიუახლოვდება მზეს და ტრაექტორიას ვენერას მიზიდულობის ძალით მოახდენს, რომლის გასწვრივაც იგი 7-ჯერ გაივლის. ზონდმა მზესთან მიახლოებისათვის საკმაოდ მაღალი სიჩქარე - 200 კილომეტრი წამში უნდა განავითაროს.

აპარატის გაშვებას კოსმოსური სააგენტო 11 აგვისტოს აპირებდა, თუმცა, ტექნიკური პრობლემების გამო 12 აგვისტოსთვის გადადო.

მზის გვირგვინის - მისი ატმოსფეროს ყველაზე ზედა შრის - მაღალი ტემპერატურა დღემდე ამოუცნობია. მის ქვემოთ მდებარე შრეები ქრომოსფერო და ფოტოსფერო 10 ათას კელვინამდეა გახურებული, ხოლო ფოტოსფეროსა და გვირგვინის საზღვარზე ტემპერატურა მილიონ კელინამდეა გაცხელებული. ამ მოვლენის ახსნა ჯერჯერონბით არ არსებობს. სწორედ ამისთვის გეგმავს კოსმოსური სააგენტო მზეზე ზონდის გაშვებას.