ე.წ. ციანიდის საქმე - ადვოკატები დღეს საქართველოს პრეზიდენტს მსჯავრდებული დეკანოზის შეწყალების თხოვნით მიმართავენ. ადვოკატები აცხადებენ, რომ ეს არ ნიშნავს იმას, რომ დეკანოზი გიორგი მამალაძე ბრალს აღიარებს.

„ეს შეწყალება არ ემსახურება და არ ითვალისწინებს,რომ მამა გიორგი დანაშაულს აღიარებს. არა, ჩვენ ვართ უდანაშაულოები. საჩივარი, რომელიც წავა სტრასბურგში. მოგეხსენებათ ევროპულ სასამართლოში გარკვეული დრო დაჭირდება საქმის განხილვას. ვიმედოვნებ, რომ პრეზიდენტი თავისი შინაგანი რწმენით, თავისი ინტელექტით, თავისი ღირსებით ამას ყველაფერს გაითავისებს და მიიღებს სამართლიან გადაწყვეტილებას,“-განაცხადა დეკანოზ გიორგი მამალაძის ადვოკატმა მიხეილ რამიშვილმა.