სამართალდამცავებმა ბიზნესმენი გიორგი სოზაშვილი დააკავეს. ფაქტი გვიან ღამით მას შემდეგ მოხდა, რაც სოზაშვილი ვაკე-საბურთალოს პოლიციასთან, მისი კუთვნილი ავტომობილიდან პირადი ნივთების ამოსაღებად მივიდა.

აღნიშნულ ფაქტს წინ სოზაშვილსა და სამართალდამცავებს შორის სიტყვიერი დაპირისპირება უძღოდა. ბიზნესმენს სამართალდამცველების დაუმორჩილებლობაში სდებენ ბრალს.

მისი მეუღლე კი პოლიციელებს სოზაშვილის ფიზიკურ შეურაცხყოფაში ადანაშაულებს. პოლიციაში რამდენიმე საათიანი დაკითხვის შემდეგ, ბიზნესმენი ჯერ ნარკოლოგიურ შემოწმებაზე, შემდეგ კი პოლიციის მთავარ სამმართველოში გადაიყვანეს. ადვოკატი სოზაშვილთან შეხვედრას დღეს გეგმავს.