რატომ არ კითხავს პროკურატურა საქმეში ფიგურანტ სხვა მწყემსებს?- კობაურის ადვოკატი სმიტების მკვლელობის "საქმის შეთითხვნაზე" საუბრობს

სამართალი - 12:11, 31 Jul, 2018

1588

სმიტების ოჯახის მკვკლელობაშაში ბრალდებული მწყემმსის ადვოკატი, ალექსანდრე კობაიძე აღნიშნავს, რომ საქმეში აშკარად იკვეთება პროკურატურის მხრიდან ან არაკვალიფიციური ან შეგნებულად არასწორი მიდგომა.

ადვოკატის განცხადებით, საგამოძიებო ორგანოს არ დაუკითხავს ყველა პირი, ვინც ფიგურირებს.

"ეს საქმე ისეთი ვერსიით წასაყვანი არ არის, რასაც ბრალდების მხარე გვთავაზობს. კობაურს ბრალი ედება სმიტების ოჯახის დახოცვაში, თუმცა ფაქტობრივი გარემოებების მიხედვით, ცალსახაა, რომ სულ სხვა მიმართულება აქვს აღნიშნულ საქმეს. რატომ არ არიან გამოკითხულნი სხვა მწყემსები, რომლებიც კობაურის საქმეში ფიგურირებენ? რატომ არ არის გამოკვლეული ვინ გადაადგილდებოდა აღნიშნულ ტერიტორიაზე? რატომ მიაცემინეს კობაურს იძულების წესით ასეთი ჩვენება? რატომ სხვა ვერსიაზე არ მუშაობს ბრალდების მხარე? ფაქტია, რომ პროკურატურა არ ცდილობს, რომ ამ საქმეზე გამოძიება ყოველმხრივ და ობიექტურად აწარმოოს. თუ აღნიშნული ხარვეზები არ გამოსწორდა, აშკარა იქნება, რომ ბრალდების მხარე ამ საქმის შეთითხვნას და კობაურისთვის დაბრალებას ცდილობს. დაცვის მხარე ამას არ დაუშვებს".