მოზარდების მკვლელობის საქმე - პარლამენტის დროებითი საგამოძიებო კომისიის წევრმა ელენე ხოშტარიამ დღეს ჟურნალისტებთან საუბრისას განაცხადა, რომ გამოიკვეთა გარკვეული გარემოებები, რომელზეც შინაგან საქმეთა სამინისტრომ რეაგირება უნდა მოახდინოს:

„კომისია კვირების განმავლობაში კითხავს მოწმეებს ხორავას ქუჩის პირველ დეკემბერს მომხდარი მკვლელობის შესახებ. ჩვენ კვირების განმავლობაში გვქონდა საშუალება, რომ მიგვეღო ინფორმაცია და გაგვეანალიზებინა ინფორმაცია ამ მოვლენის გარშემო და დღეს, როდესაც პრაქტიკულად დავასრულეთ არასრულწლოვნების დაკითხვა, გვინდა ვუთხრათ საზოგადოებას, რომ ამ დაკითხვების დროს გამოიკვეთა ახალი გარემოებები, რომლის შესახებაც ჩვენ მყისიერად ვაწვდით ინფორმაციას შინაგან საქმეთა სამინისტროს სწრაფი და ეფექტური რეაგირებისთვის, გამოძიების ინტერესებიდან გამომდინარე ვიკავებთ თავს შინაარსის თქმისგან, თუ რაში მდგოარეობს ეს ახალი გარემოებები, ველოდებით შინაგან საქმეთა სამინისტროს, დღეს ვიკავებთ თავს ყვლენაირი დეტალის თქმისგან, მნიშვნელოვანია, რომ შინაგანს აქმეთა სამინისტრომ სწრაფად მიიღოს ინფორმაცია და მოახდინოს რეაგირება“, - აღნიშნა ელენე ხოშტარიამ.