იგეგმება საქართველოს წინააღმდეგ სარჩელის მომზადება ევროპის სასამართლოში წარსადგენად - ამის შესახებ ზაზა სარალიძემ, მალხაზ მაცალიკაშვილმა და ელისო კილაძემ დღეს გამართულ პრესკონფერენციაზე ისაუბრეს:

„ერთი სარცელი ეხება დათო სარაიძის მკვლელობას, მეორე პანკისში ჩატარებულ სპეცოპერაციას და თემირლან მაჩალიკაშვილის ლიკვიდაციას, ორივე საქმეზე სახელმწიფომ ვერ უზრუნველყო ობიექტური და სამართლიანი გამოძიება და ჩვენ დღემდე არ ვიცით ვინ არიან დამნაშავეები ამ კონკრეტულ სისხლის სამართლის საქმეებთან დაკავშირებით, ჩვენ ბრიფინგის დასრულების შემდეგ ოფიციალური წერილებით მივმართავთ როგორც შინაგან საქმეთა სამინისტროს, ისე სახელმწიფო უსაფრთხოების სააგენტოს, რომ წერილობით მივიღოთ პასუხი, ხომ არ არსებობს რაიმე ტიპის შემაფერხებელი გარემოება ჩვენს მიერ საზღვრის კვეთასთან დაკავშირებით. დაგეგმილია ასევე ევროპელ ადვოკატებთან შეხვედრა, ამ ყველაფერს ორგანიზებას უწევს ორგანიზაცია „ემიგრანტები ახალი საქართველოსთვის“, ჩვენი ამერიკელი მეგობრები და ევროპელი ადვოკატები ქართველ ადვოკატებთან ერთად იმუშავებე იმ სარჩელზე, რომელიც ორივე საქმეზე უნდა შევიდეს სტრასბურგის ადამიანის უფლებათა დაცვის სასამართლოში“, - განაცხადა ელისო კილაძემ.