პროკურორის მოადგილის გიორგი გაბიტაშვილის ინფორმაციით, გამოძიების ეტაპზე მოპოვებული მტკიცებულებებით მ.კ.-ს დანაშაული არ იკვეთება. ამის შესახებ გიორგი გაბიტაშვილმა ხორავას ქუჩის საქმის შემსწავლელი საგამოძიებო კომისიის სხდომაზე განაცხადა.

„მ.კ. – ს ხელის დარტყმასა და დამდგარ შედეგს შორის არანაირი კავშირი არ არის. დავით სარალიძის დაჭერა არ მომხდარა იმ გარემოებებში, რომ სარალიძე ცდილობდა გაქცევას. არ ყოფილა მისი ქმედების შემზღუდველი. მიმაჩნია, რომ გამოძიების ეტაპზე არსებული მტკიცებულებები მ.კ – ს ქმედება არ შეიცავს დანაშაულის ნიშნებს, თუმცა ჩვენ გამოთხოვილი გვაქვს სასამართლოს გადაწყვეტილება, დანიშნული გვაქვს ექსპერტიზები და უნდა გავაანალიზოთ სასამართლოზე მიცემული ჩვენებები, რაც მოგვცემს ახალ, საერთო სურათს”, – განაცხადა გიორგი გაბიტაშვილმა.