ხორავას ქუჩაზე მომხდარი მკვლელობა - არ არის გამორიცხული, დღეს სასამართოზე, მიხეილ კალანდია დაიკითხოს

სამართალი - 11:02, 24 Jul, 2018

2052

არ არის გამორიცხული, რომ ხორავას ქუჩის მკვლელობის სასამართლო პროცესზე მიხეილ კალანდია დაიკითხოს.

"სავარაუდოდ, დღეს უნდა დაიკითხონ მოწმეები. ვიმედოვნებ, რომ აღნიშნული მოწმეები იქნებიან ინფორმირებული მოწმეები, ანუ ის მოწმეები, რომლებსაც ექნებათ მნიშვნელოვანი ინფორმაცია წარმოდგენილი საქმეებზე. ვგეგმავთ, რომ აღნიშნულ პროცესს ჩემი დაცვის ქვეშ მყოფი დაესწროს. როგორც მას, ასევე ჩვენც გვექნება კრიტიკული კითხვები მოწმეებთან და მოვითხოვთ, მათგან ამომწურავ ინფორმაციას.

რაც შეეხება მიხეილ კალანდიას დაკითხვას, ის საქმის უმთავრესი მოწმეა წარმოდგენილ საქმეში. შესაბამისად, მისი დაიკითხვის თაობაზე ჩვენი მხრიდან მოთხოვნა პირველივე დღიდან არსებობს. გვსურს, რომ აღნიშნული მოწმე დაიკითხოს, ვინაიდან ის ფლობს ყველაზე მნიშვნელოვან და ღირებულ ინფორმაციას. შესაბისად, ვიმედოვნებთ, რომ კალანდია დღევანდელ პროცესზე მოყვანილი იქნება“, - განაცხადა დანაშაულის დაფარვვის ბრალდებითდაკავებულის ადვოკატმა მერაბ მამულაძემ.

რაც შეეხება კონკრეტულად მის დაცვის ქვეშ მყოფს გ.შ-ს, ადვოკატის განცხადებით, ის თავს დამნაშავედ არ ცნობს.

თბილისის საქალაქო სასამართლოში, ხორავას ქუჩაზე მომხდარი მკვლელობის საქმეზე დანაშაულის დაფარვის ბრალდებით დაკავებული პირების პროცესი მიმდინარეობს.