რატომ არ დაიკითხა დაუყონებლივ მოზარდების მკვლელობის თვითმხილველი, წითელი მანქანის მეპატრონე

რატომ არ დაიკითხა დაუყონებლივ მოზარდების მკვლელობის თვითმხილველი, წითელი მანქანის მეპატრონე - პროკურორის განმარტება

სამართალი - 15:30, 23 Jul, 2018

2170

რატომ არ დაიკითხა დაუყონებლივ წითელი მანქანის მეპატრონე, რომელიც ხორავას ქუჩაზე მკვლელობის ადგილზე იმყოფებოდა? - ამ კითხვით მიმართეს პარლამენტის დროებითი საგამოძიებო კიმისიის წევრებმა თბილისის ყოფილ პროკურორს, მიხეილ შაყულაშვილს.

„პირველი დღიდან ტელევიზიაში ტრიალებდა და მაქედან გახდა ჩემთვის ცნობილი წითელი ჯიპის პატრონი და ამ თემის მუსირება. დამაინტერესა ეს ადამიანი დაკითხული იყო თუ არა, რაზეც დავურეკე პოლიციის უფროსს და ვკითხე, დაკითხული იყო თუ არა წითელი ჯიპის პატრონი. მპასუხობს, რომ წითელი ჯიპის პატრონი საათებია უკვე აქ გვყავს, ვარწმუნებთ, რომ რაღაცა თქვას.

თქვენც დარწმუნდით ალბათ, რა თქვა და რა არ თქვა. ამის შემდეგ პოლიციის უფროსი მთავაზობს ასეთ წინადადებას პირადად მე, მოდით მიშა, ეს ადამიანი ახლა გავუშვათ, შევეცდები ოპერატიულად ჩავატარო მოქმედებები, რომ გადარწმუნდეს ეს ადამიანი და იქნება გვითხრას, რაღაცა და გაუშვეს, რადგან არ გაორებულიყო ჩვენებები.

ერთი დაგვეკითხა პირველ დღეს, მერე დაგვეკითხა შემდგომ და განსხვავებები რომ არ ყოფილიყო ჩვენებებში. 18 დღის მანძილზე მიმდინარეობდა ოპერატიული მუშაობა, მათ შორის მინისტრიც კი გამოვიდა და მოუწოდა მოქალაქეებს, მიეცათ ჩვენებები, დახმარებოდნენ გამოძიებას. შემდგომში ვეღარაფერი რომ ვერ გავაკეთეთ, 18 რიცხვში დაიკითხა წითელი მანქანის მეპატრონე, მოწმე ნიკოლოზ იორდანიშვილი“,- განაცხადა მიხეილ შაყულაშვილმა.