„მზად ვარ, ჩემი წილი პასუხისმგებლობა ავიღო“ - ხორავას მკვლელობის ყოფილი პროკურორი

სამართალი - 12:59, 23 Jul, 2018

1592

ხორავას ქუჩაზე მომხდარი მკვლელობის საქმეზე შექმნილი საპარლამენტო საგამოძიებო კომისიის სხდომაზე საქმის ყოფილმა პროკურორმა გიორგი გაბოძემ თქვა, რომ თუ რომელიმე პროკურორი ბრალდებას წარუდგენს მ.კ-ს როგორც თანაამსრულებელს და სასამართლო სამივე ინსტანცია მას დამნაშავედ ცნობს, მზად არის, მისი წილი პასუხისმგებლობა აიღოს.
ეს განცხადება გობაძემ ოთარ კახიძის საპასუხოდ გააკეთა, რომელიც დაინტერესდა, კალანდიას თანამონაწილეობისთვის ბრალი რატომ არ წაუყენეს.

„მ.კ-ს გაცნობიერებული უნდა ჰქონოდა, რომ გ.ჯ-ს განზრახული ჰქონდა სარალიძის მკვლელობა. მ.კ მკვლელობის განზრახვით არ მოქმედებდა. დღეს არც მე და არც ჩემი პროკურორები ამ საქმესთან შეხებაში არ ვართ. სხვა პროკურორები ახორციელებენ საპროცესო ზედამხედველობას და ოდესმე იმ მტკიცებულებებზე დაყრდნობით თუ ვინმე რომელიმე პროკურორი ამ ბრალდებას წარუდგენს მ.კ-ს და სასამართლო სამივე ინსტანცია მას დამნაშავედ ცნობს, იმ გარემოებებზე დაყრდნობით, რაც ჩემს დროს იყო ცნობილი, მე მზად, ვარ ჩემი წილი პასუხისმგებლობა ავიღო, მაგრამ მჯერა, რომ აქ შეუძლებელი იყო თანაამსრულებლობა და ბრალის წარდგენა მ.კ-სთვის. რომ ყოფილიყო ამის შესაბამისი ობიექტური შესაძლებლობა, ამას ჩემი პროკურორები გააკეთებდნენ“, - განაცხადა გიორგი გაბოძემ.