ორი ყოფილი მინისტრის დიმიტრი ქუმსიშვილისა და ზურაბ ალავიძის საქმიანობას პროკურატურა სწავლობს. აღნიშნულთან დაკავშრებით, მთავარ პროკურატურაში დღეს კომენტარი გაკეთდა. უწყების ცნობით, გამოძიების ფარგლებში გამოკითხვები გრძელდება.

საქმის პროკურორის განცხადებით გამოძიება მარტის თვიდან მიმდინარეობს და გამოძიების ინტერესის საგანი დიმიტრი ქუმსიშვილთან არის დიდი ოდენობის თანხმების მითვისება-გაფლანგვა. ზურაბ ალავიძესტან კი გამოძიებას შეკითხვები აქვს ტენდერებსა და თანხების მითვისებასთან დაკავშირებით. კოკა კაციტაძის თქმით, მინისტრების გარდა გამოკითხულნი არიან სამინისტროების თანამშრომლები და უახლოეს პერიოდში კიდევ რამდენიმე თანამშრომლის გამოკითხვა იგეგმება.

„საქართველოს პროკურატურაში გამოკითხვაზე იმყოფებოდა ეკონომიკისა და მდგრადი განვითარების ყოფილი მინისტრი, დიმიტრი ქუმსიშვილი, ამ შემთხვევაში გამოძიების ინტერესის საგანს წარმოადგენს მისი მინისტრობის პერიოდში განხორციელებულ პროექტებში გამოვლენილი დიდი ოდენობით საბიუჯეტო თანხების მითვისება-გაფლანგვის ფაქტები. ასევე გამოკითხვაზე იმყოფებოდა მეორე მინისტრი ზურაბ ალავიძე და ამ შემთხვევაში გამოძიება სწავლობს იმ სახელმწიფო შესყიდვებს, რომელიც განხორციელდა ამ სამინისტროსთან დაკავშირებული საჯარო სამართლის იურიდიული პირების მხრიდან.

ამ საქმის ფარგლებში, რომელზეც ინტენსიურად მიმდინარეობს გამოძიება, გამოიკითხა და გამოიკითხება ყველა ის პირი, რომლებსაც რაიმე შემხებლობა აქვს ამ საქმესთან მიმართებით.

არ შემიძლია ვისაუბრო იმს აგამოძიებო გეგმის შესახებ, რომელიც გააჩნია პროკურატურას და შესაბამისად, კონკრეტული სახელის და გვარების დასახელებას მოვერიდები.

დადგება ყველა იმ პირის სისხლის სამართლის პასუხისმგებლობის საკითხი, რომლის ბრალეულობაც გამოიკვეთება ამ გამოძიების ფარგლებში და არ აქვს მნიშვნელობა თუ რა თანამდებობა ეკავა მას და რა სტატუსი გააჩნია“, - აცხადებს პროკურორი.