"მეც ასტიგმატიზმი მაქვს, ამ ოთახში ვიღაცამ დანა რომ ამოიღოს გავარჩევ და დავინახავ ვინმეს რომ დაარტყას"- რატომ აჩვენა მდინარაძემ ზაზა სარალიძის ფოტო მკვლელობის მოწმეს

სამართალი - 14:22, 18 Jul, 2018

3280

ხორავას ქუჩაზე მომხდარი მკვლელობის საქმეზე პარლამენტში შექმნილი საგამოძიებო კომისიის ფარგლებში გამოკითხულ მძღოლს ნიკოლოზ იორდანაშვილს მამუკა მდინარაძემ მოწმე ნიკოლოზ იორდანაშვილს ტელეფონში ზაზა სარალიძის ფოტო აჩვენა.

„ალბათ, იცნობთ ზაზა სარალძეს. თქვენ იმდენივე მეტრში ამოიცანით ზაზა სარალაძე ტელეფონში, დაახლოებით რამდენ მეტრშიც მოხდა დადუნაშვილის მკვლელობა თქვენგან დაშორებით. თქვენ თქვით, რომ მხედველობაზე რაღაც პრობლემები გაქვთ.

მე პირადად მაქვს ოთხნახევარი მინუსი ასტიგმატიზმი და ნამდვილად შემიძლია ამ და გაცილებით მეტ მანძილზე ამ ოთახში რაც ხდება გავარჩიო. ვიღაცამ დანა რომ ამოიღოს იმასაც გავარჩევ და დავინახავ ვინმეს რომ დაარტყას. თქვენზე სამით მეტი ასტიგმატიზმი მაქვს. თქვენ ახლა სამ მეტრში ტელეფონში ამოიცანით ზაზა სარალიძე. ხშირად არიან პასუხისმგებლობით სავსე მოქალაქეები, ვისი მეშვეობითაც იხსნება საქმეები. ამ ფონზე თქვენ მაინც არ გინდათ არაფრზე ისაუბროთ?“-განაცხადა მამუკა მდინარაძემ.

დეპუტატი დაინტერესდა იმ ფაქტით, თუ როდის აიღო იორდანაშვილმა მართვის მოწმობა.

მოწმის თქმით, მართვის მოწმობა 2003 წელს განაახლა და „იქ უთხრეს, რომ ეს პრობლემა არ არის“.