ბავშვთა ტრეფიკინგის ბრალდებით დაკავებულ ცოლ-ქმარს სასამართლომ წინასწარი პატიმრობა შეუფარდა. დაკავებულები წარდგენილ ბრალდებაში თავს დამნაშავეებად არ მიიჩნევენ.

„ვთვლი, რომ წარდგენილ ბრალდებაში ბრალი არ მიუძღვით. დღევანდელ დღეს გამოყენებული აქვთ კანონით მინიჭებული დუმილის უფლება. შესაბამისად, ამ ეტაპზე მეტს ვერაფერს დავამატებ, მათივე ინტერესებიდან გამომდინარე, ვინაიდან არ არის ჯერჯერობით, გამოკვლეული მთელი რიგი მტკიცებულებები. საქმის მასალები სრულყოფილად არ მაქვს შესწავლილი“, - განაცხადა მაია უსტიაშვილმა.

შინაგან საქმეთა სამინისტროს თანამშრომლებმა თბილისში არასრულწლოვანთა შრომითი ექსპლუატაციის ფაქტზე, მოსამართლის განჩინების საფუძველზე, 2 პირი დააკავეს.