რაფალიანიცის საქმის სავარაუდო ფალსიფიკაცია - შოთაძისა და მითაიშვილის მიმართ სისხლის სამართლის გამოძიების დაწყებას მოითხოვენ

სამართალი - 14:12, 03 Jul, 2018

1923

ბარბარე რაფალიანცის საქმეზე სკანდალური განცხადების შემდეგ ყოფილი პროკურორის, მილენა მათიაშვილის ქმრის, რივერა ბენდელიანის ადვოკატი სისხლის სამართლის საქმის გამოძიებას მოითხოვს.

"ბატონ ზაზა ხატიაშვილთან ერთად პროკურატურაში განცხადება შევიტანეთ, გამოძიების დაწყებას ვითხოვთ ყოფილი მთავარი პროკურორის, ირაკლი შოთაძის, ასევე დიდუბე-ჩუღურეთის რაიონული პროკურორის, ნიკოლოზ დგებუაძის და ყოფილი პროკურორის, მილენა მითაიშვილის მიმართ რაფალიანცის საქმის მტკიცებულებათა სავრაუდო ფალსიფიკაციის თაობაზე, - განაცხადა „ნიუპოსტთან“ ადვოკატმა ინგა არახამიამ.

ადვოკატმა აღნიშნული განცხადება მედიაში გავრცელებული სკანდალის შემდეგ გადაწყვიტა. უფრო კონკრეტულად, პროკურორის, მილენა მითაიშვილის ყოფილი მეუღლემ "კურიერს" მოუყვა როგორ აპირებდა მთავარი საგამოძიებო უწყება, ბარბარე რაფალიანცის საქმე ოპოზიციის წინააღდეგ 2016 წლის საპარლამენტო არჩევნების დროს გამოეყენებინა.

რივერა ბენდელიანი აცხადებდა, რომ რაფალიანცის საქმის გაყალბების ისტორია მთავარი პროკურორის კაბინეტში დაიწყო. მის ცოლს კი, როგორც გახმაურებული საქმეების პროკურორს, დოკუმენტაცია არაოფიციალურად გადასცეს და დაავალეს, რომ საქმე შეეკერა.

მისი თქმით, 10 თვის ჩვილის გარდაცვალების საქმე პროკურორმა მილენა მითაიშვილმა სახლში მიიტანა და მეუღლეს უყვებოდა, როგორ უნდა წარედგინათ ბრალი ნაციონალური მოძრაობის გურჯაანიის მაჟორიტარი დეპუტატების მაშინდელი კანდიდატისთვის, გიორგი ღვინიაშვილისთვის.

"კურიერთან" ბენდელიანიმა თქვა, რომ სქემის მიხედვით, პროკურატურას გარდაცვლილი ჩვილის დედაზე ზეწოლა უნდა მოეხდინა, რომელიც ხელს გიორგი ღვინიაშვილს დაადებდა.

მისივე თქმით, თუ რაფალიანცის დედა პროკურატურის მოთხოვნის დაკმაყოფილებაზე უარს იტყოდა, მაშინ მას საგამოძიებო უწყება დაემუქრებოდა, რომ შვილის მკვლელობის ბრალდებით მას ციხეში ჩასვამდნენ,

მთავარ პროკურატურაში ადასტურებენ, რომ მილენა მითაიშვილი რაფალიანცის საქმეს ნამდვილად ზედამხედველობდა, თუმცა, პროკურორის ოჯახის წევრის ბრალდებას, რომ ის საქმის პოლიტიკური ბრძოლის იარაღად გამოყენებას ცდილობდა, უწყებაში უარყოფენ.