ხორავას ქუჩაზე მომხდარ ინციდენტში პირველი ექსპერიმენტული და 51-ე საჯარო სკოლების გარდა, 21-ე სკოლის ბავშვებიც მონაწილეობდნენ

სამართალი - 16:07, 02 Jul, 2018

1790

მოზარდების მკვლელობის საქმე - ზვიად კუპრავას ინფორმაციით, ხორავას ქუჩაზე მომხდარ ინციდენტში პირველი ექსპერიმენტული და 51-ე საჯარო სკოლების გარდა, 21-ე სკოლის ბავშვებიც მონაწილეობდნენ, რომელსაც კუპრავას თქმით, თავად არასრულწლოვმნებიც ადასტურებენ.

„ერთ დღეს ზაზა სარალიძემ მითხრა, რომ ინციდენტში მონაწილე ბავშვები მასთან აპირებდნენ მისვლას და მთხოვა ამ შეხვედრას დავსწრებოდი. რა თქმა უნდა მივედი. მოვიდა 2 არასრულწლოვანი. საუბარი იყო ვრცელი და ეს საუბარი მნიშვნელოვან დეტალებს მოიცავდა. აღნიშნულ შეხვედრაზე ჩემთვის გახდა ცნობილი, რომ ინციდენტში მონაწილეობდნენ კიდევ ერთი სკოლის მოსწავლეები და ეს სკოლა იყო ყოფილი მეექვსე, ახლანდელი - 21-ე.

მე არ ვამბობ, რომ დანაშაული ჩაიდინა ვინმემ, უბრალოდ ყურადღებას ვამახვილებ იმაზე, რომ არ მომხდარა ამ ადამიანების დაკითხვა. თავად 21-ე სკოლის ბავშვების გვარები არ დაუსახელებიათ და თავად დავადგინე მათი სახელები და გვარები. ეს ინფორმაცია მივაწოდე სკოლის დირექტორს. დირექტორმა დაიბარა ეს ბავშვები და ჰკითხა შეესაბამებოდა თუ არა ჩემს მიერ მიწოდებული ინფორმაცია სიმართლეს. როგორც ვიცი, ამ ბავშვებმა დირექტორს მოუყვნენ ამ ფაქტის შესახებ და უთხრეს, რომ ლობიანის საყიდლად მიდიოდნენ, რა დროსაც მათგან ერთ-ერთს, ი.ჯ.-ს დაურეკეს პირველი ექსპერტიმენტული სკოლიდან და სთხოვეს, რომ 51-ე სკოლელებთან ჩხუბი იყო და დახმარებოდნენ. ეს ინფორმაცია თავად სკოლის დირექტორისგან ვიცი. ი.ჯ. და კიდევ ერთი მივიდნენ იქ და იქ რა ქმედება განახორციელეს, ამის შესახებ მე ვერ ვისაუბრებ“, - განაცხადა კუპრავამ.