ვასახელებ 7 პირს, რომლებიც შსს-სთნ და სუბელიანთან კავშირში არიან - კუპრავა სკანდალური განცხადების გაკეთებას გეგმავს

სამართალი - 13:49, 02 Jul, 2018

2384

ზვიად კუპრავა უკვე პარლამენტში იმყოფება. სამართალდამცავთა რეფორმირების ცენტრის ხელმძღვანელი საგამოძიებო კომისიაზე დაასახელებს 7 პირს, რომლებიც მირზა სუბელიანთან და შს სამინისტროს წარმომადგენელთან, კახა სირაძესთან არიან ირიბ კავშირში.

კუპრავას თქმით, მათი ნაწილი პოლიციის - ყოფილი და ზოგი მოქმედი თანამშრომელია.

“რამდენიმე დღის წინ შინაგან საქმეთა სამინისტრომ დაიწყო გამოძიება და ჩემს წინააღმდეგ აღძრა სისხლის სამართლის საქმე 366-ე მუხლით. იმისთვის, რომ ინფორმაცია დროულად მივაწოდო საგამოძიებო კომისიას, გამოვთქვი ინიციატივა, რომ ჩემი გამოკითხვა ვადაზე ადრე მომხდარიყო. ექვსი თვის განმავლობაში პრაქტიკულად, ყველაფერზე ვლაპარაკობდი, უბრალოდ არ გვისმენდნენ და ეს იყო პრობლემა. რაზეც ვისაუბრებ, ფარდულთან დაკავშირებული დეტალები იქნება. ვისაუბრებ მირზა სუბელიანთან და კახა სირაძესთან დაკავშირებული ადამიანებზე, რომლებიც სირაძესთან და სუბელიანთან ირიბ კავშირში არიან. ვაპირებ შვიდი სახელის დასახელებას. ეს ადამიანები და სირაძე დავალებულებული არიან მიზრა სუბელიანთან. სუბელიანმა ეს ვალდებულება ბოროტრად გამოიყენა და სირაძეს მოსთხოვა, ფარდულის პრობლემა მოეგვარებინა“, - განუცხადა ჟურნალისტებს ზვიად კუპრავამ.