კომპანია „ალბატროსში“ დღეს სპეცოპერაცია ცატარდა. სამართალდამცავი უწყების განცხადებით, კომპანიაში ჩხრეკის აუცილებლობა ოპერატიულმა ინფორმაციამ გამოიწვია, რომლის თანახმადაც კომპანიის ტერიტორიაზე ნარკოტიკული ნივთიერებები ინახებოდა.

მომხდარს კომპანია „ალბატროსის“ ადვოკატი გამოემხაურა და განაცხადა, რომ მომხდარი სავარუდოდ უკავშირდება „ალბატროსსა“ და სხვა კომპანიის მფლობელს შორის მიმდინარე დავას:

„დამირეკეს და მითხრეს, რომ პოლიცია ატარებს კომპანიაში ჩხრეკას, მოვედი სასწრაფოდ, გამოვცხადდი ადგილზე და დამხვდა სურათი, რომ შეტყობინების საფუძველზე, ჩატარდა გადაუდებელი ჩხრეკა, მაგრამ ეს ჩხრეკა ჩატარდა არა კომპანია „ალბატროსის“ ტერიტორიაზე. ჩვენს მიერ იჯარით აღებული შენობის ზედა სართულზე, სხვენზე, რომელიც ამ ეტაპზე არავის იჯარით აღებული არ აქვს, როგორც ჩანს აღმოჩნდა კულტივირებული მარიხუანა, სამი სათლი, სადაც ამოთხრილია რამდენიმე ძირი მარიხუანა, სავარუდოდ ან გუშინდელი ამოტხრილი და დაგდებულია, ვინაიდან შემჭკნარია უკვე.

მიმდინარეობს დავა კომპანია „ალბატროსსა“ და ამ კომპანიაში ადრე მოკალათებულ პირებს შორის, რომელთა მიზანიც იყო ამ კომპანიის ხარჯზე სხვა მათ მიერ დაფუძნებული კომპანიი წარმატება და ამ კომპანიის ჩაძირვა. ამ ყველაფრის ხელმძღვანელი გახლავთ ლევან კერვალიშვილი“, - აღნიშნავს კომპანიის ადვოკატი.

ადვოკატის ამ განცხადებას კერვალიშვილის წარმომადგენელი გამოეხმაურა:

„სრულიად აბსურდული ინფორმაციაა. ლევან კერვალიშვილს აქვს უამრავი საქმე, ქალაქშიც არ იმყოფება. ამ მომენტშიც დამკვეთებთან და ბიზნესპარტნიორებთან შეხვედრებზეა ქალაქგარეთ. კერვალიშვილი არ არის ის ადამიანი რომელიც მარიხუანას ბუჩქით ითამაშებს. ასევე, ალბატროსის მიმართ მას არანაირი ინტერესები აღარ აქვს. ეს იყო კომპანია რომელმაც კრიზისის დროს კერვალიშვილს დახმარება სთხოვა, მან თავისი საქმე შეასრულა და წამოვიდა“, - აღნიშნავენ კერვალიშვილის წარმომადგენლები.