მომღერალ ირაკლი ნოზაძის მკვლელობის მცდელობის საქმეზე, დანაშაულის შეუტყობინებლობაში ბრალდებული ნათია თოფურია წარდგენილ ბრალს აღიარებს.

ბრალდებულის ადვოკატი ამბობს, რომ თოგურია თამთა ჯანჯღავას ნოზაძის საცხოვრებელ სახლთან ერთად იმყოფებოდა, რათა მომღრლისთვის ვალი გამოერთმიათ.

"ნათია თოფურია ბრალს აღიარებს. სასამართლოს გადაწყვეტილებას აღკვეთის ღონისძიების სახით პატიმრობის შეფარდებაზე, ალბათ გავასაჩივრებთ. ის აღიარებს, რომ არ შეატყობინა მომხდარის შესახებ გამოძიებას. დანაშაულის ადგილიდან წავიდნენ და დაახლოებით 24 საათში დააკავეს ერთად...ნათია თამთას გაყვა უბრალოდ. იცოდა, რომ ვალის დასაბრუნებლად მიდიოდა თამთა და მანამდე ჰქონდათ ასევე სიტყვიერი შეურაცხყოფა მიყენებული ერთმანეთისთვის ჯანჯღავას და ნოზაძეს", - განაცხადა კახა პაპავამ.