თბილისის საქალაქო სასამართლოს მოსამართლემ დღეს სახელმწიფო ბრალდებას დაავალა, მოიძიოს შესაბამისი ნათესავი ან მეურვე, რომელსაც მომღერალ ირაკლი ნოზაძის განზრახ მკვლელობაში ბრალდებულის, შვილებს გადასცემს.
"ახლა ისინი იმყოფებიან ნათესავებთან. ბრალდების მხარეს დაევალა შესაბამისი რეაგირების მოხდენა. იგი შეადგენს დოკუმენტალურად ოქმებს. თუ რომელიმე ნათესავი აიღებს თავის თავზე მზრუნველობის გაწევას მცირეწლოვან ბავშვებზე, ბავშვები მასთან დარჩებიან, თუ არა და სახელმწიფო მოიძიებს შესაბამის დაწესებულებას, სადაც უზრუნველყოფილი იქნება ამ მცირეწლოვანი ბავშვების ნორმალური განვითარება და აღზრდა", - განმარტა გიორგი კერატიშვილმა.
მომღერალ ირაკლი ნოზაძის განზრახ მკვლელობაში ბრალდებულ თამთა ჯანჯღავას და დანაშაულის შეუტყობინებლობაში ბრალდებულ ნათია თოფურიას აღკვეთის ღონისძიების სახით პატიმრობა შეეფარდათ.
მასალის გამოყენების პირობები






